Sɛɡla 29:5 - mzwDBL

⁵ Nɛn waa dɛ pa o dɔŋ la, dɛ́ harɔ bel.

Sɛɡla 29:5 Referans Kwoze

Hosia 5:1

Korowii ŋɔ, “Sɔfore, hé no! Israel tena, hé cheɡ deŋne! Koobii ɡe, hé no! N dɛ ba he waa bola dɛ́ pa bole. He do kɛŋɔ baa harɛ bel Mispa, dɛ do kɛŋɔ asau baa taa bɔle Tabɔ Bwejen ta.

Yela 12:2

Nyosonee bɛlbwa teŋe dɛɛ tɛ o dɔŋ, nyokpɛlee ba kpɔ dɛɛ neɡre dɔŋa.

Yela 5:9

Wobol aa le ba nyoo dɛɛ ba bwa ɛ nyosone, ba pɛla waa bwaa nɛra chɔɡa. Nɛra neɡra dɛ́ kpoo ba ɡboo lɔ ba nyu bini, nɛra ɡboo baa neɡre.

Job Tɔn 17:5

Gɛ baa dɛ sɛɡle ŋɔ, Dɛ nomɛl le o daamanar tɛ dɛ lɛ komɛl aa, naate la biirii dɛ́ na a waa la.

1 Tesalonika 2:5

Gɛ haa jema la, he kpɛɛra waa laa ya koh ba he be. Ya ta balɛ dɛ ba bol waa dɛ neɡre heyaa dɛ lɛ kwaane ɡe. Korowii ɡboo jema.

Tɔn Pɔɔl Aa Chwerɛ Rom Tena 16:18

A ɡɛ nɛra nɔ, ya Dɔɔ Yeesu Kristo laa baa tomɛ. Waa ba sie aa dɛ lɛ a ta la, anee baa ɛ. Nyotor ne nyosone nee baa neɡre nɛra baa wola wobɛlbwa jemɛ la.

Wiile 1:13

Korowii ɡelɔ nii le nyundua dɛ ba jo n bini fuh n hoɡa. O har mɛ bel dɛ ɡel n chole harɛ, asɛ dɛ ɡel mɛ bela, n do weweele ta tɔpere bɛlbwa.

Sɛɡla 26:28

Nyosonteŋni hah nɛra waa teŋe nyosone dɛɛ dawɛ ba nɛ, ɡɛɛ neɡra wobol ɛɛ ba wechɔɡa ɡbo ne.

Sɛɡla 20:19

Nɛn waa dɛ ɡaaɡe la dɛ taa nyokpɛl, anomanta, laa he te kpɔ nɛn waa dɛ bol waa kohona nɛ.

Sɛɡla 7:21

Haah la kpɔ neɡra ŋwɛnɛ ne wobosoma dɛ dɔɔ kaa.

Sɛɡla 7:5

Aa lawɛɛ le hanjwamane, ne nomɛl haah o nyoa wobol aa soma nɛ.

Sɛɡla 1:17

He dɛ nyin jumbie dɛ́ lawaa, baa on bel harɛ o siwi ta, baa mea lwee nyubaah ta du.

Yela 36:2

Ba dɛ lii ba nyu bini kɛŋɔ ba ɛ nɛnjena nomanta, Korowii aa ba wechɔɡa baa dɛ ɛ la nae ba, dɛ́ pa ba bolchɔɡe.

Sɛɡla 28:23

Nɛn waa bol waa baɡle o dɔŋ o charɛ la, o dɛ dɔ sɔndɛɛɡe ɡwaa nɛn waa kpɔ wobosoma dɛɛ neɡre o dɔŋ.

1 Samoɛl 18:23

Ba kaa bol ɡɛ waa nɔ Devid be. Anee o ŋɔ, “Hé dɛ lii kɛ a ɛ wekokori kɛ nɛn ɛ kooro hela kɛɛ? Nyaaree men, n ɛ nɛŋɡwɛɡre.”