Sɛɡla 29:27 - mzwDBL

²⁷ Gɛ nɛndɛɛɡe aa hah nɛn o wa aa wola kasinteŋ dɔe la, ɡɛɛ nɛnchɔɡe ɡe hah nɛn o wa aa toɡra.

Sɛɡla 29:27 Referans Kwoze

1 Jɔn 3:13

Yabala, dɛ nɛra baa dɔ harɛ nɔ ta ɡbo liire hah heya aa, he bɛ ɡel a ɛ heyaa nyokpoa.

Amanesoma Jɔn Aa Chwera Tɔn 15:23

Bɛlbwa waa hah mɛ la, dɛ o hah n Mɛɛ la ɡe.

Yela 139:21

N Naa Korowii, n hah nɛra baa haeh! N kii nɛra ba deŋne aa kpeɡa baa jo he nɛ!

Amanesoma Jɔn Aa Chwera Tɔn 7:7

Heyaa harɛ nɔ ta nɛra aa wola haeh, kɛ ba hah n te, dɛkalkɛ saŋ bɛlbwaa mɛɛ bol ŋɔ ba we-ɛɛla aa were.

Sɛɡla 29:10

Nɛra baa dɛ kpo nɛra hah nɛn o wa aa dɔ kasinteŋ, dɛɛ nyin nɛra ba wa aa toɡra dɛ́ kpo.

Sekaria 11:8

Korobibeŋkpoŋ ɡbo ta, n doŋi peteɡra batoro bane baa hah mɛ. Peera la chwao le n be, n mee le a wa.

Sɛɡla 24:9

Gɛne wemaɡla bɛlbwa ɛ wechɔɡa, asɛ nɛn bɛlbwa ɡe hah bammuɡli nɛn.

Yela 119:115

Hé le n nɛɛ kaa, wechɔɡ-ɛɛra, ásɛ n won dɛɛ teŋɛ waa Korowii maa dɛ tomɔ aa do mɛ ta!

Matiu 10:22

Nɛra bwa ɛɛ koh n waa hah heya. Kɛ naate waa dɛ ba wona dɛ́ lawɛ bambile ka tonɛ la, wɛɛ dɔ o nyuu.

Matiu 24:9

Ásɛ mɔɔ ba ta lawɛ heyaa tɛ nɛra, ba ɛ heyaa hɔhɔrɔwa dɛ́ kpoo heya. Nomɛlbwa ɛɛ koh n waa hah heya.

Amanesoma Jɔn Aa Chwera Tɔn 17:14

Maa bol he Amanesoma la baɡ ba la, a ɡelɔ ba ta nɛra baa dɔ harɛ nɔ ta ɡbo liire nɛɛ jae kpa, ɡɛ maa wola ba nɛɛ jae la. Anomanta, ba hah ba.

Yela 6:8

Wechɔɡ-ɛɛra, hé le n sie! N Naa Korowii, no n wii.

Yela 69:4

Nɛra baa hah mɛ pɛɛ warɔ ɡwaa n nyumpona. N dɔma teŋe nyosone dɛɛ dawɛ n nɛ, ba bwara kpeɡri baa nyin mɛ dɛ́ kpo, ba ɡelɔ n berɛ bɔ kwaa maa wola ŋwɛɛ kem tɛɛ ba.

Yela 139:22

N hah ba kɛrɛdɛ, dɛ kpɔ ba ɛ n dɔma.

Sɛɡla 12:8

Wejeremee baa kpɛɛ, dɛɛ nyiŋi ɡɛna nyubaahna.

Sɛɡla 30:1

Waa aa le Jake bibaa Aɡur be laanee nɔ. “Korowii kpɔ mɛ ta, n ta lɛɛ dɔe.

Yela 101:4

N ne nɛnchɔɡa baah ɛɛ do jaŋnee. Mɛɛ laa n tenee kpɔ wechɔɡa ta.

Sɛɡla 13:19

Na ɡɛ aa dɛ do som kɛ haa dɔ ɡɛ haa dɛ nyin! Nɛn waa ɡɛnaa ki o wechɔɡa ta lee.