Sɛɡla 29:22 - mzwDBL

²² Nɛn o baah aa dɛ di warawara la, dɛ ba naɡra ne. Nɛn o baah aa dɛ di kohona dɛ ba wechɔɡa ne taeh.

Sɛɡla 29:22 Referans Kwoze

Sɛɡla 15:18

Nɛn o baah aa dɛ di warane la dɛ ba naɡra ne, kɛ nɛn waa dɔ bambile te dɛ sɔɔh waa nyoa.

Sɛɡla 17:19

Nomɛlbwa waa dɛ nyin naɡra sie dɛ lɛ wechɔɡa ta, ɡɛɛ nɛn waa dɛ ta nyoa ɛɛ kaa chɔɡa ta.

Sɛɡla 26:21

Gɛ hɔla aa dɔ nii, damara ɡe ɡel nii ɛɛ hɔ la, ɡɛɛ naɡrenyini ɡe ɛɛ ba naɡra ne.

Sɛɡla 10:12

Che kaɡraree dɛɛ ba tim kaɡrare tae ne, kɛ nɛnnyin te dɛ́ tɔ wechɔɡa ta.

Jems 3:16

Anomanta, bela bɔweela ne n ɡbo dɔ aa lole la, belaa wesaɡasaɡare ne wedoŋa bwa do.

Sɛɡla 22:24

He ne nɛn o baah aa dɛ di kohona bɛ darame di. He ne nɛn o baah aa wola biɡri dii bɛ pɛ,

Sɛɡla 14:17

Nɛn o baah aa wola biɡri dii dɛ́ ɛ ɡɛnewa, wejeremee dɛɛ lawɛ bambile.

Sɛɡla 30:33

He lɔ sooma aa, noo dɛ le a ta, he lɔ he dɔŋ mee ta naa, chal dɛ le, ɡɛɛ he muɡli he dɔŋ baah aa, hɛɛ ba naɡra ne.”

Sɛɡla 29:21

He ɡbɛɡbɛ he bonɔɔ le o bechale saŋ aa, a habɔɔ o dɛ ba bambichɔɡ ne.

Mumpar 49:7

Ba bandia ne ba nyubinikpeɡ nomanta, bá bwɛɛlɛ! Mɛɛ lɔ ba naanaree peɡre Israel harɛ bwa. Dɛ laɡ ba le ba nɛra bini.

Sɛɡla 27:17

Gɛ buni aa dɛ sar buni la, ɡɛɛ chamene tena hweli waa dɛɛ le dɔŋa be.