Sɛɡla 29:11 - mzwDBL

¹¹ Gɛnee dɛɛ baɡle o bandia nɛra baah ta, wejeremee dɔ bambile dɛ won o te lawa.

Sɛɡla 29:11 Referans Kwoze

Sɛɡla 19:11

Wejeremee won bambile lawa, o dɛ dɔ jirima waa kpɔe dɛ́ kɛ ta.

Sɛɡla 12:16

Gɛne bandiaa baa na warane, kɛ nɛn waa dɔ nfɛrɛ laa liire dɛɛ kpɔ chɛɡa ta.

Maeka 7:5

Dɛɛ berɛ he dɔŋ yaradae ka tonɛ, bɛ he dam ɡba nɛɛ hwɛɡɛ. Hale he haah he ne waa pɛa dɛɛ chɔ kalaŋ ta, dɛɛ nyiŋi he nyoa wobol ta kɛrɛdɛ.

Emɔs 5:13

Anomanta, nɛn waa jemɛ waa la tɔ nyoa, a ɡɛ wechɔɡa saŋ nɔ waa aa do ɡɛ nɔ ta.

Sɛɡla 14:33

Nɛn waa dɔ liiree dɔ wejema, ɡɛnee wola wejema liire dɔe.

Sɛɡla 12:23

Wejereme dɛ tɔ o wejemwaa ta, ɡɛnee dɛɛ pili o ɡɛnewaa ta dɛɛ tɛ nɛra.

Sitɔɔla 16:17

Anomanta, Samsen bol o tea bini waa bwa chaɡlo ŋɔ, “Ba ta fon kpɔe fonɛ n nyu bwa. Nasiri tee men. Korowii lee mɛ cheɡ tɛ o te, dɛ le n lola saŋ bwa. Ba fonɛ n nyu aa, n bokpeɡa maa dɔa nɔ bwa dɛ ba tona n ɡwɛɡre kɛ baa bɛlbwa ken.”