Sɛɡla 28:20 - mzwDBL

²⁰ Nɛn waa dɛ bol kasinteŋ la, o dɛ na som taeh, kɛ nɛn o siwi aa swɛɛra kɛ o dɔ kwaa warane la ne wahalaa.

Sɛɡla 28:20 Referans Kwoze

Sɛɡla 13:11

Ŋwɛɛ ŋwɛnɛ waa kpɔ o ta dɛɛ dɔ kwaa la, ɡelɔ aa kaa kɛŋɔ peu ken. Bɔwɔb kweena dɛ́ dɔ kwaa ɡe ɡelɔ a che dɛɛ warɛ.

Wepila 2:10

He bɛ wahala bɛlbwa haa ba na la ɔmɛ. Hɛ́ɛ no! Bɔnsam ɛɛ ɡeloo bá larawe he bane do dea, dɛ́ daah heyaa na. Hɛɛ na wahalaa kohona tɔpera fi. Dɛ seo bini kwara, he cheɡɛ kiŋkiŋ naa, mɛɛ tɛ heyaa mkpaa o ɛ kompoŋ haa yoa dɛ lɛ ba vɔwɛ heya.

Sɛɡla 28:22

Nɛn o siwi aa dɛ beɡre kwaa dɔe ta la, waa saŋ nyae aa ba o nɛɛ la te lii.

Sɛɡla 20:21

Dɛ he ta koɛh dɛ dɔ he te mumpar aa, a habɔɔ la, aa hen kɛrɛdɛ chiɡ.

Sɛɡla 10:6

Nomɛlbwa swee andɛɛɡa dɛɛ tɛ nɛn o wa aa toɡra, kɛ nɛnchɔɡe te mur, waa yoi waa bol á le baŋ.

Yela 101:6

Mɛɛ ɡeloo n sie do n nɛra Israel tena ba wa aa dɔ kasinteŋ la nɛ, ásɛ n ne ba pɛ so n koodem. Nɛra ba wa aa wera kɛrɛdɛ laanee mɛɛ ba ɡela baa tom mɛ.

Nehemia 7:2

N kpɔ Jerusalam do n dɔŋ Hanani ne Hanania nɔn ta ŋɔ baa nyiŋi o ta. Dɛ Hanania ɛ nomoa waa dɛ nyiŋi dekpeɡ la ta. O waa dɔ kasinteŋ wɛɛ ɔmɛ Korowii, o dɔŋ aa wola toole.

Wepila 2:13

N jemɛ bela haa soɡa. Bɔnsam soŋnibɔree he do la, kɛ dɛ ta che kiŋkiŋ. Hale ɡɛ saŋ ba fa aa kpo Antipas waa ɛ kasinteŋ te dɛ che tɛ mɛ he bwɛjen Bɔnsam soŋnibɔr bela la, he ta tɔeh kɛŋɔ haa men yarada.

Amanesoma Luk Aa Chwera Tɔn 16:1

Yeesu ŋɔ o habɔteŋra la be ŋɔ, “Baa bɛlee fa lole dɛ ɛ kondɔɔh, dɛ kpɔ o kwaa bwa do o bonɔɔ bɛl nɔn ta ŋɔ wɛ́ɛ nyiŋi a ta. Belaa nɛra ka ŋɔ suuɡate la be ŋɔ o bonɔɔ la dɛ di o suuɡa saɡasaɡa.

Amanesoma Luk Aa Chwera Tɔn 12:42

Asɛ Yeesu chaŋo ŋɔ, “Bonɔɔ waa dɔ kasinteŋ dɛ dɔ liire la nɔn taa o dɔɔ kpɔ o dem tena dɛɛ do, dɛ ŋɔ bɔr dɛ maɡre aa, ó tɛɛ ba kondikwa.

Sɛɡla 23:4

Bɛ kondɔɔh waa koh dɛ́ chɔɡ he te, ɡel a ɡɛ liire la, dɛ́ jemɛ he te lawa.

Sɛɡla 20:6

Nɛra ɡalɡa dɛ bol ŋɔ ba dɔ nyina saŋ bɛlbwa, kɛ umee dɛ́ won jemɛ nɛn o wa aa dɔ kasinteŋ ɔ?

Sɛɡla 17:5

He dɛ mamɛ nyaaraa, Korowii waa ta baa hɛɛ chɛɡɛ, ɡɛɛ a do dɛ he sie dɛ lɛ he dɔŋ wahala ta naa, hɛɛ ba deŋnetɛra kohona dɔe.

1 Samoɛl 22:14

Sɔfo Ahemɛlɛk chaŋe kooro ŋɔ, “He nomonome nɔ bwa bini ume waa dɔ kasinteŋ kɛ Devid waa ɛ he hela, dɛ berɛ chɔ nɛra baa dɛ daahne nyoa, dɛ dɔ duure kohona he dem ɔ?

Matiu 24:45

Bonɔɔ waa dɔ kasinteŋ dɛ dɔ liire la nɔn taa o dɔɔ kpɔ o dem tena dɛɛ do, dɛ ŋɔ bɔr dɛ maɡre aa, ó tɛɛ ba kondikwa.

Matiu 25:21

Anee o dɔɔ la ŋɔ, ‘Jam, bonɔndɛɛɡe, kasinteŋ te! Tama nɔ haa kpɔ kasinteŋ dɛ ɛ a ne toma nɔ, mɛɛ kpɔe so andamanta nyoa. Ba puu mɛ so silɛɛ ta.’

Sɛɡla 19:2

Aa were kɛŋɔ nɛn nya wejema, ɡɛɛ dɛ haa waa bini nyiŋi dɛɛ ɛa warawara ɡe aa, hɛɛ ɛ wechɔɡa.