Sɛɡla 28:16 - mzwDBL

¹⁶ Kooro waa wola liire dɔe, o nyu bini do kpeɡri laanee dɛɛ fiiɡi o nɛra, kɛ onɔ la waa wola kafo nyin la dɛ́ dɔ mkpajaŋ.

Sɛɡla 28:16 Referans Kwoze

Kaala 18:21

Berɛ le ba bini wejerema, baa dɛ ɔmɛ Korowii ba wa aa dɔ kasinteŋ, ba siwi aa wola suuɡa beɡre. Dɛ́ kpɔ ba chɔ nɛra kaɡboŋa ne lafare, ne fifraanunue dɛ fifi nyoo.

Aesaya 3:12

Toli ne bonɔɔna dɛ fiiɡi n nɛra. Haahnaa dɛɛ nyiŋi ba nɛ dɛɛ do ba. N nɛra, he sitɔɔla ɡelɔ he nyoɡre. Ba ɡelɔ he nyoɡre ŋwɛnɛ.

Wejereme 4:1

N berɔ nyiŋi dɛ na fiiɡa nɛra aa dɛ fiiɡi ba dɔŋa harɛ nɔ ta. N na nɛra baa dɛ fiɡ ba siniire, kɛ nɛn toole dɛ́ larawe ba bwara, dɛkalkɛ, nɛra baa dɛ fiɡ ba la nɔn taa kpeɡri ka di.

Nehemia 5:15

Nomonome baa tɔ n sie nyiŋi Juda harɛ ta mɔɔ la ɛɡre Juda harɛ ta nɛra dɛ lɛ suuɡapoŋa fifraanaarɛ, dɛ kondikwaa ne sen. Hale ba bonɔɔna ɡba fiiɡi nɛra la. Kɛ n te, ɔma maa dɛ ɔmɛ Korowii nomanta, n ta ɡɛ ɛɛ.

1 Koranar 12:14

O kpɔ o bala o ne baa ira la jae la dɛ ŋɔ, “N mɛɛ ɡelɔ he ɛ tomkpeɡa, kɛ n te ɛɛ ɡeloo a ɡwaa ɡɛ. Chweremi nee o tɛr he deŋne, kɛ n te ɛɛ kpɔ balansoo tɛr he deŋne!”

1 Koranar 12:10

O bala o ne baa ira la chaŋe ŋɔ, “Waa aa chɛ kɛ he bol ba be laanee kɛŋɔ, n nonikekela kwaraa bare ɡwaa n mɛɛ chara.

Emɔs 4:1

Hé no, haahna haa lɔ Samaria dɛ do bwara kɛ nae aa lɔ Basan harɛ ta, he dɛ fiiɡi nyaara ne nɛŋɡwɛɡra, dɛɛ ŋɔ he jaranar be ŋɔ, “Hé kpɔ sen baa tɛ yaa.”

Wejereme 10:16

Harɛ o nɛra kooro aa ɛ bonɔmbi, ba nomonome ɛɛ di kondikonjena, dɛɛ lɛ ba sie jwaana la, ba bwɛɛlɛ!

Sɛɡla 15:27

Nɛn waa dɛ nyin kafo la kpɔ waa dɛɛ ba o ne dem tena nɛ, kɛ nɛn waa kia kɛ ba yawɔ sen la ɛɛ so lee.