Sɛɡla 28:12 - mzwDBL

¹² Nɛndɛɛɡa baa di nomonome aa, nomɛlbwa sie dɛ lɛ, kɛ nomonchɔɡa balaa, ɡɛɛ nomɛlbwa hɔrɔme.

Sɛɡla 28:12 Referans Kwoze

Sɛɡla 29:2

Nɛndɛɛɡa baa di kora aa, nomɛlbwa sie dɛ lɛ, dɛ nɛnchɔɡa ɡe baa di aa, nomɛlbwa dɛ hime.

Sɛɡla 11:10

Nɛn o wa aa toɡra dɔ kɛrɛdɛ naa, bwɛɛ la tena bwa sie dɛ lɛ, kɛ dɛ nɛnchɔɡe baa sewaa, bɛlbwa dɛ mamɛ.

Sɛɡla 28:28

Nomonchɔɡa baa di kora aa, ɡɛɛ nɛra hɔrɔme, ba le bela tenaa, dɛ nɛra ba wa aa toɡra dɔ bɔr dɛ di kora.

Jeremia 36:26

Ate, Kooro la do o bibaa Jeramiil, ne Asriel bibaa Seraya dɛ Abdeel bibaa Sɛlɛmia ŋɔ bá ba lawɛ Baruk ne men Korowii keame Jeremia ba tɛo. Kɛ Korowii lawɛ yaa sɔh.

Jeremia 5:1

Korowii ŋɔ, “Jeremia, ir la ka nyiŋi Jerusalam fɔɡbaahna. Nyiŋi o bini kɛrɛdɛ dɛ́ bar, ásɛ dɛ ɡaaɡe bela nɛra aa dɛ cheme bwa. Dɛ hɛɛ won dɔ nɛmbeŋkpoŋ kwaraa o wa aa wera dɛɛ di kasinteŋ aa, mɛɛ kpɔ Jerusalam tena wechɔɡaa kɛ ba.

Wejereme 10:16

Harɛ o nɛra kooro aa ɛ bonɔmbi, ba nomonome ɛɛ di kondikonjena, dɛɛ lɛ ba sie jwaana la, ba bwɛɛlɛ!

2 Webena 7:10

Tɔ aa pera la, korobie anuanɛ la tɔpera fifraanɛ dɛ atoro wee la, Kooro Solomɔn tɛ bɛlbwa ŋwɛnɛ o kaa o bwɛ. Ba sie lɛ andɛɛɡa Korowii aa sweera tɛ o nɛra Israel tena, ne Kooro Devid dɛ Solomɔn la wa.

1 Koranar 19:3

Elaeja ɔmɔ, dɛ kpɔ o bonɔɔ chwa kaa Beɛseeba waa lɔ Juda harɛ ta, ásɛ dɛ dɔ o nyu. O baa ɡel o bonɔɔ la bela,

1 Koranar 18:13

N dɔɔ, he ta noɛ ɡɛ maa ɛa ɡɛ saŋ Jɛsɛbɛl aa dɛ kpoo Korowii keamere la kɛɛ? N sɔh keamere lafa bwebɔɔne anɛ bini. N pere ba bini fifraanunue bɔɔ beŋkpoŋ bɛlbwa bini, dɛɛ tɛɛ ba nee ne kondikwa.

1 Samoɛl 24:11

N naa, nyiŋi na, he batakaare peraa n kpoŋe la! Menee baa laa mɔn, kɛ n ta hen kpoe. Jemɛ name kɛŋɔ maa he ne wechɔɡa lii, kɛɛ dɛ́ ɛɛ wechɔɡa bɛlbwa. N ta hen wobɛlbwa ɛɛ, kɛ he teŋɛ n nɛɛ dɛɛ nyin mɛ dɛ́ kpo.

Jeremia 36:19

Belaa ba ŋɔ o be ŋɔ, “He ne Jeremia bwa ka nyin bɔr sɔh. He bɛ ɡel bɛlbwa jemɛ bela haa lole.”