Sɛɡla 26:12 - mzwDBL

¹² Nɛn waa ɡɛna kohona la, hwɛɡa lɔ o nɛɛ ɡwaa nɛn waa dɛ lii kɛ o jemɛ wa, kɛ o ɡe aa jemɛ.

Sɛɡla 26:12 Referans Kwoze

Sɛɡla 29:20

Hwɛɡa lɔ ɡɛne nɛ, dɛ ɡwaa nɛn waa dɛ bol waa waa wola lii mɔɔ.

Tɔn Pɔɔl Aa Chwerɛ Rom Tena 12:16

Hé ne he dɔŋa so sodɛɛɡa. He bɛ jenu dɛɛ ɛ, he bɛ he te pere dɛɛ le nyaara ne nɛŋɡwɛɡra bini. He bɛ he te wejerema kohona dɛɛ lii.

Sɛɡla 28:11

Suuɡa te dɛ lii o te wejereme, kɛ nyaa waa jemɛ waa la jemɛ ɡɛ naate aa doa.

Wepila 3:17

He ŋɔ he dɔ kwa, dɛ ɛ dɔɔhna, komɛlbwa ta heyaa nyae. Kɛ haa jemɛ kɛŋɔ he waa dɔ sinyana, dɛ do sum. He ɛ nyaara, dɛ nyoŋe, dɛ che mumɡbal.

Matiu 21:31

Nɛra banɛ nɔ, ba bini umee ɛ o mɛɛ tetoowaa tɛo wɔ?” Anee ba ŋɔ, “O binomoa laanee.” Belaa Yeesu ŋɔ ba be ŋɔ, “Kasinteŋ, toɔ lɛɛra baa dɛ bɔ nɛra apoo ne jwamane tena bwa ɛɛ tɔ siee dɔ Korowii Kora la ta jo ɡel heya,

Sɛɡla 26:5

Chaŋe ɡɛne o ɡɛnewaa ta, ásɛ o jemɛ kɛŋɔ o ta wejereme ɛɛ.

Amanesoma Luk Aa Chwera Tɔn 18:11

Belaa Farisii te la ir che dɛ soŋe Korowii o nyu bini ŋɔ, ‘Korowii, n dɛ jaame kɛŋɔ maa wola doe kɛ n bala baa dɛ bɔ apoo, baa wola kasinteŋ bol, dɛɛ bɔ jwamane nɔ. N dɛ jaame kɛŋɔ maa wola doe kɛŋɔ banchɔɡe nɔ waa dɛ lɛ toɔ nɔ.

Amanesoma Luk Aa Chwera Tɔn 7:44

Yeesu aa ŋɔ ɡɛ la, o berɛ sie ta haah la be, dɛ ŋɔ Seemɔn be ŋɔ, “Kɛ he na haah nɔ kenɛ? Maa ba he dem bonɔ la, he ta men nee tɛɛ ń sarame n nakpale. Kɛ haah nɔ te wio ta n nakpale ta, dɛ kpɔ o nyumpona feera kɛrɛdɛ ken.

Sɛɡla 26:16

Bɔhwaah dɛ lii o te wejereme, kɛŋɔ o ɡwaa nɛra banuanɛ baa dɛ ba wona tɛ liidɛɛɡa.

Sɛɡla 22:29

Nɛn waa jemɛ nɔn toma kɛrɛdɛ la, koranar tomaa wɛɛ ɛ, waa nɛnsale toma ɛ.

Sɛɡla 3:7

Bɛ he te wejereme kohona dɛɛ lii, ɔmɛ Korowii, dɛ ke he te wechɔɡa ta.

Amanesoma Jɔn Aa Chwera Tɔn 9:41

Anee Yeesu chaŋe ŋɔ, “Dɛ he fe sɛoh kɛŋɔ he ɛ nyoŋa kwaraa naa, wechɔɡa fe toole he nɛ, kɛ haa ŋɔa he dɛ na nomanta, he ta lɔ wechɔɡa ta.”

Sɛɡla 12:15

Gɛnee yon dɛɛ lii kɛŋɔ o wobɛlbwa wer, kɛ nɛn waa lɛ o dɔŋ waa dɛɛ ja o kwaa ta laanee wejereme.

Sɛɡla 28:26

Nomɛlbwa waa kpɔ o te ɛɛ dawɛ o ɡbaɡba liire ta la ɡɛnɔ, kɛ nɛn waa dɛ teŋɛ wejerema waa ta dɛ́ dɔ o nyu.

Aesaya 5:21

Hé bwɛɛlɛ, he banɔ la haa dɛ lii he te wejerema, dɛɛ lii kɛŋɔ he jemɛ wobɛlbwa ɡa la.