Sɛɡla 25:4 - mzwDBL

⁴ Laa doŋa kpɔ suuɡapoŋ ta, ásɛ nɛn waa jemɛ a toma kpɔ kwaa kondɛɛɡe.

Sɛɡla 25:4 Referans Kwoze

Ɛsekeɛl 22:18

“Nɛwɛnyini bie, Israel tena waa ta tɔnɔ bɛlbwa dɔe dɛ tɛ mɛ kɛŋɔ ba yon kpɔ suuɡapoŋ do nii ta, dɛ mwɛɛlo asɛ ayaawa ne buni, dɛ kpana yon le a ta kɛ doŋa aa wola tɔnɔ dɔe la. Gɛɛ Israel tena ɛ doŋa tɛ mɛ.

Sɛɡla 17:3

Niinii ba kpɔ dɛɛ jemɛ suuɡapoŋ ne suuɡaswɛm kɛŋɔ a wer, ɡɛɛ Korowii ɡe ɛɛ nyiŋi bambile bini.

1 Pita 1:7

A bwa dɛ baɡle kɛŋɔ he yarada la ɛ yarada kasinteŋ. Suuɡaswɛm kwaraa nɔ, nii nee baa jemɛ a kasinteŋ, kɛ a dɛ chɔɡ. He yarada la ɡwaa suuɡaswɛm, anomanta, a chɛ kɛ ba daah heyaa na ásɛ he won che kiŋkiŋ. Belaa baa ba heyaa kpɛɛra, ásɛ he dɔ jirima, dɛ́ dɔ sɔn awola Yeesu Kristo aa ba ya nao la.

Sɛɡla 25:3

Gɛ haa wola won jemɛ nyundua jaŋne, ne harɛ bini luŋri la, ɡɛɛ haa wola won jemɛ kooro liire.

Sɛɡla 26:23

Nɛn dɛ bol o dɔŋ bwara wedɛɛɡe kɛ dɛ dɔ o liichɔɡaa, a do kɛŋɔ baa ɛ suuɡapoŋ bɔle vii habɔɔ la.

Yela 66:10

N Naa Korowii, he daah yaa na kɛŋɔ ba yon kpɔ suuɡapoŋ do nii ta, dɛ laa o doŋa bɛlbwa kpɔ o ta la ken.