Sɛɡla 25:18 - mzwDBL

¹⁸ Nɛn waa di dansewea dɛɛ dawɛ o dɔŋ nɛɛ la, o do kɛŋɔ ɡuli kɛɛ kere kɛɛ hɛm waa nyɛɡa ken.

Sɛɡla 25:18 Referans Kwoze

Yela 57:4

N dɔma bar mɛ cheme, ba do kɛŋɔ nyujentena lɔr aa dɛ kpoa, aa nyin nɛra ola dɛ́ di ken. Ba nyena do kɛŋɔ lampeare ne hɛma, ba nyondoŋa nyɛɡre kɛ keri ken.

Sɛɡla 12:18

Nɛra baa dɛ bol waa baa wola liire a ta do la, ba wobol dɛ we kɛŋɔ nii ken, wejereme wobol dɛ larawe bwara.

Jems 3:6

Nyondoŋe do kɛŋɔ nihɔl ken, dɛ won wechɔɡa ɛɛ taeh ya bini, dɛ won yaa chɔɡa ya soɡa bini bwa. Bɔnsam niinii dɛɛ choŋu.

Jeremia 9:8

Ba nyoa wobol do kɛŋɔ hɛm waa dɛ kpo ken, wechɔɡa ɡboo baa bol. Nyoa wobol ɡbo nee baa lea dɔŋa, kɛ ba bambile bini te ta chaahnɛ, ba dɛ haɡre dɔŋa bela.

Jeremia 9:3

Ba dɛ kpa saŋ bɛlbwa kɛŋɔ bá teŋe nyosone kɛŋɔ ba yon harɛ hɛm dɛ́ tao la ken. Ba ta sɛɛh dɛɛ bol kasinteŋ.” Anomanta, Korowii ŋɔ, “N nɛra ɛ wechɔɡa aa, ba yon berɛ ka ɛ ane ja, baa jemɛ kɛ menee Korowii aa chɛ kɛ bá tom mɛ.

Sɛɡla 24:28

Bɛ waa haa wola he dɔŋ nɛɛ nae la danseɛ di, bɛ nyosone teŋe.

Yela 140:3

Ba nyoa wobol dɛ kpo kɛ tɛɡchɔɡa ken, dɛ do kɛŋɔ domkpuli aa choɡe nɛn.

Yela 52:2

He vɔrɔwe nɛra vɔrɔwa dɛ́ chɔɡ ba, he nyondoŋe do kɛŋɔ naŋɡɔse ken, saŋ bɛlbwaa hɛɛ teŋe nyosone.

Yela 55:21

O nyoa wobol pwɛre kɛŋɔ noo ken, kɛ dɛ liichɔɡa lɔ o bambile ta, dɛ won mɔna kɛŋɔ kerenyɛɡ ken.

Kaala 20:16

He bɛ dansewea dɛɛ di.

Sɛɡla 25:17

Dɔŋ dem laŋa kohona dɛ peo, a che a ta o berɛ haeh kwara.