Sɛɡla 24:25 - mzwDBL

²⁵ He tɛr bolchɔɡe te deŋne aa, wobɛlbwa ɛɛ do werii tɛɛ, he dɔ sɔndɛɛɡe.

Sɛɡla 24:25 Referans Kwoze

1 Timoti 5:20

Dɛ bɛl ɛ wechɔɡa aa, yerɔ cheme asɔre tena la bwa sie dɛ́ kaoh. He ɛ ɡɛ naa, nɛra baa lɔ bela dɛ na la ɛɛ ɔmɔɔ dɛ laa ba te dɛɛ kpɔ wechɔɡa ta.

Sɛɡla 28:23

Nɛn waa bol waa baɡle o dɔŋ o charɛ la, o dɛ dɔ sɔndɛɛɡe ɡwaa nɛn waa kpɔ wobosoma dɛɛ neɡre o dɔŋ.

Taetos 2:15

Baɡ ba ɡɛ waa nɔ bwa, dɛ́ kpɔ he kpeɡri do ba ɡbemba, dɛ́ ja ba, dɛ́ bɛ ɡel ba bɛlbwa nyiŋi he nyubaah.

Taetos 1:13

Kpelaa o bol, anomanta, di ba kasinteŋkpeɡ ba jemɛ, ásɛ dɛ ɡel ɡɛ da la, dɛ́ baa teŋɛ Korowii waa aa ɛ kasinteŋ la ta.

Matiu 14:4

dɛkalkɛ kooro la moo, asɛ Jɔn ŋɔ o be ŋɔ o ta an aŋwɛnɛ ta ɛɛ kɛ waa mo Hɛrɔdeas la.

Nehemia 13:28

Dɛ Sɔfonomoa Eliasib bibaa Joiada ɡe bibaa bɛl mo Sanbalat waa le Bɛt Hɔrɔn bihaah. Anomanta, n doŋi o bibaa la le Jerusalam.

Nehemia 13:25

Asɛ n baah di ba nɛ, dɛ taah ba. N lɔɔ ba, dɛ chuɡri ba bini bane ɡe nyumpona, dɛ ɡel ba ŋwɛɛ ntam Korowii sɔn ta kɛŋɔ, ba ne ba bibaala ne bihaahna bɛ nɛŋhɔɔhra baa wola Korowii tomɛ mo, kɛɛ dɛ yalɛ kpa bwa.

Nehemia 13:17

N baah di Juu tena nomonome nɛ, dɛ ŋɔ ba be ŋɔ, “Waa aa ɛ wechɔɡaa he ɛ dɛ kpɔ dɛɛ chɔɡ Ona Tɔpere la.

1 Samoɛl 3:13

N tɔ sie ɡel o jemɛ kɛŋɔ mɛɛ tɛr o ne o dem tena deŋnee o bibaala waa baa bola yaɡ mɛ la wa, dɛkalkɛ o ta ban kasinteŋ dii.

Lewi Dea Tena 19:17

Dɛ́ɛ berɛ he dɔŋ haeh. La o be ka diu kasinteŋ, ásɛ o wechɔɡa bɛ he nɛɛ dawɛ.

2 Timoti 4:2

hé bol Amanesoma la baɡle nɛra. A som oo, aa somoo, kpɔ he te kɛ saŋ te bɛlbwa hɛɛ bolaa. Eɡle sie ta ba nɛ, dɛ́ ɡel ba jemɛ wechɔɡa baa dɛ ɛ, ásɛ dɛɛ ja ba. Lawɛ bambile dɛɛ chaɡ ba.

Sɛɡla 24:26

He chaŋe nɛn waa aŋwɛnɛ ta naa, a dɛ baɡle kɛŋɔ he ne o darame pɛo.