Sɛɡla 24:14 - mzwDBL

¹⁴ Jemɛ kɛŋɔ wejema wer tɛ he wee, he dɔ wejema aa, he dɔ hwɛɡa he soɡa bini kerekere.

Sɛɡla 24:14 Referans Kwoze

Sɛɡla 23:18

Wedɛɛɡa ane chɔ le kerekere dɛ tɛɛ, he hwɛɡa aa pɛɛ ta bwa.

Sɛɡla 2:10

He sie ɛɛ piluu, ásɛ he wejema ɡel he sie lɛ.

Jems 1:25

Korowii Mmara wer kɛrɛdɛ, o ɡelɔ yaa dɔ ya te, waa yaa vɔrɔwe. Nomɛlbwa waa dɛ no dɛɛ pese o bini, waa wola soh dɛɛ ɛ ɡɛ waa baɡla la, Korowii ɛɛ swee andɛɛɡa tɛ naate o we-ɛɛla bwa ta.

Jeremia 15:16

Korowii Waa Ɛ Kpeɡri Bwa Dɔɔ, haa bol waa n be la, n cheɡ deŋne dɛ́ noa. A ɛɛ mɛ silɛɛ n bambile lawa, dɛkalkɛ henee dɔɔ mɛ.

Yela 119:103

He waa la som n be kohona, a som dɛ ɡwaa tooh kwara.

Sɛɡla 22:18

A wer kɛ he kpɔ do he nyu bini, dɛ́ kpɔ dɛɛ bol wa.

Yela 119:111

He Mmarare la do kɛ kwaa a yoɡ aa kpeɡa tɛ mɛ saŋ bɛlbwa ken, anee dɛɛ tɛ mɛ silɛɛ.

Matiu 19:21

Anee Yeesu ŋɔ o be ŋɔ, “Dɛ he dɛ nyin kɛ he waa do kɛrɛdɛ ka tonaa, ka yoɡ he kwaa haa dɔa bwa, ásɛ dɛ kpɔ a suuɡa kɛ nyaara. Ka ɛ ɡɛ, ásɛ dɛ ba teŋɛ n nɛ. Hɛɛ dɔ kondɔɔh cheɡ Korowii doaa.”

Sɛɡla 16:24

Wobodɛɛɡa do kɛŋɔ tohnoo ken, a som nyoa ta dɛɛ tɛ bokpeɡa ɡe.