Sɛɡla 24:10 - mzwDBL

¹⁰ Waa ba he nɛɛ dɛ he ta wone che kiŋkiŋ naa, dɛ he bokpeɡa aa kanɛ kpa.

Sɛɡla 24:10 Referans Kwoze

Ɛfesos 3:13

Anomanta, waa maa dɛ soŋe heyaa laanee kɛ he bɛ ɡel he bwara hwah wahala maa koh he waa dɛɛ na nɔ ta. Hé jemɛ kɛŋɔ he dɛ dɔ sɔn n wahala nɔ ta.

Jeremia 51:46

He bɛ ɡel he bambile chɔɡ kɛɛ dɛɛ ɔmɛ, waa haa dɛ no harɛ la ta wa. Bena bɛlbwa hɛɛ dɛɛ no wefalaa, hɛɛ no yoi waa harɛ taa, kooro ne o dɔŋ kooro ɛɛ dɛɛ yoo.

1 Samoɛl 27:1

Devid baa lii o nyu bini ŋɔ, “Tɔpebɛl Kooro Sɔɔl ɛɛ ba kpo mɛɛ. Chwae chɛ kɛ ń chwa kaa Filisti tena harɛ ta ka so. Anee dɛ́ ɡel ó ɡel n bɔr ɡaaɡa Israel harɛ ta bobɛlbwa, dɛ bɛ men dɔ lawɛ.”

2 Kɔrent 4:1

Korowiirii sune ya nɛɛ dɛ tɛ yaa toma nɔ, anomanta, ya bwara aa yaa hwah.

Job Tɔn 4:5

He ɡe kwaa bala fini, dɛ kpɔ bambichɔɡa ba ta he nɛɛ la.

Wepila 2:3

He lawɛ bambile dɛ koh n waa dɛ na wahala, kɛ dɛ ta lawɛ a bini.

Wepila 2:13

N jemɛ bela haa soɡa. Bɔnsam soŋnibɔree he do la, kɛ dɛ ta che kiŋkiŋ. Hale ɡɛ saŋ ba fa aa kpo Antipas waa ɛ kasinteŋ te dɛ che tɛ mɛ he bwɛjen Bɔnsam soŋnibɔr bela la, he ta tɔeh kɛŋɔ haa men yarada.

Amanesoma Jɔn Aa Chwera Tɔn 4:8

Dɛ Yeesu habɔteŋra la kaa bwɛɛ la ta dɛ́ ka nyin kondikwaa ba.

Mmarare 20:8

Sitɔɔla la teŋɛ dɛ bol ja ŋɔ, ‘Hé bini bɛlbwa o bwara aa yɔra wɛɛ ɔmɛ la, kaa dem dɛ bɛ ba kpɔ maah o bala.’