Sɛɡla 23:30 - mzwDBL

³⁰ Nɛra baa soɡe sen mun dɛɛ biɡri, kɛɛ dɛɛ daɡɛ sen baa koora a do kpeɡri la.

Sɛɡla 23:30 Referans Kwoze

Ɛfesos 5:18

He bɛ sen nyɔ kohona dɛɛ dɛɛ. Gɛ dɛ chɔɡ nɛn. Kɛ hé ɡel Korowii Domadɛɛɡe la so he nɛɛ kɛrɛdɛ,

Aesaya 5:11

Hé bwɛɛlɛ, he banɔ la haa ira chɔmbibi dɛɛ ti sen, he banɔ la haa dɛ were sen mun ka tel kɛŋɔ haa dɛɛra.

Sɛɡla 20:1

Sen nyɔe kohona ɡelɔ nɛn ɛɛ do ɡbɔɡa dɛɛ ɡɛn. Nomɛlbwa waa kpɔ a nyɔe berɛ o toma la ta liire dɔe.

Sɛɡla 9:2

O kpo ol dɛ kpɔ ɛ kondikonjena, dɛ kpɔ konsɔɔhsoma ane koo sen ta, dɛ pa chɔŋre teebur ta.

Yela 75:8

Korowii kpoŋe numol, o bandia aa do kɛŋɔ danana nee suu. O fuɡa kɛŋɔ seŋkpeɡa tɛ nyubinikpeɡ tena bwa ba nyɔ, ba nyɔ a bwa a tonɛ kwaraa.

Emɔs 6:6

He dɛ nyɔ numojena ne sen, dɛ kpɔ konsɔɔhsoma aa wera dɛɛ ɛ he te, kɛ haa chɔɡa Israel aa dɛ ba chɔɡa te waa wi.

Mumpar 9:21

Waa kpɔ ane ɛ sen dɛ nyɔ la, o dɛɛrɔ dɛ ka chɔ mumɡbal o dea.

1 Samoɛl 25:36

Abiɡel aa la Nabal be la, dɛ o lɔ o dem dɛɛ di kondikonjena dɛɛ lɛ o sie kɛŋɔ kooro ken. Dɛ o dɛɛrɔ o sie lɛ kɛrɛdɛ. Anomanta, o ta wobɛlbwa o be bolɛ ka tel kɛ tɔ aa pera chɔɔ.

Sɛɡla 23:20

Bɛ sennyɔɔra nɛɛ ja, he ne banɔ la baa dɛ di kondikombala la bɛ pɛ.

Aesaya 28:7

Hale Korowii keamere ne sɔfore la dɛ nyɔ sen dɛɛ yɛɛɡe. Ba nyɔ seŋkpeɡa dɛɛ kɛŋle dɛ wili. Keamere la seŋkpeɡa nyɔe kohona ɡelɔ waa Korowii aa ɡela baa naa chaahna ta la, baa a bini nae dɛɛ baɡle. Sɔfore la ɡe wili waa bola dɛ́ pa bole aŋwɛnɛ ta.