Sɛɡla 22:23 - mzwDBL

²³ Korowii ɛɛ bol a ɡɛ nɛra la waa tɛɛ ba, ásɛ ɡɛ haa lɛɛ ba kwaa la, ó lɛ le he be.

Sɛɡla 22:23 Referans Kwoze

Yela 140:12

N jemɔ kɛŋɔ Korowii bol nyaara waa dɛɛ tɛɛ ba, dɛɛ lɛ ba nyoa.

Yela 12:5

N Naa Korowii ŋɔ, “Mɛɛ bao, fiiɡa baa dɛ fiiɡi nɛŋɡwɛɡra, ne pɛma nyaara aa dɛ pɛmɛ la wa. Mɛɛ lɛɛ ba so deŋnesɔɔhna ta.”

Sɛɡla 23:11

Ba dɔ nomɛl waa cheɡɛ ba habɔɔ, onee Korowii, wɛɛ boloo bɔe.

Jeremia 51:36

Anomanta, Korowii bol Jerusalam tena be ŋɔ, “Hé no, mɛɛ che he habɔɔ dɛ́ yo, dɛ́ bɔ he dɔma Babelɔn tena kem waa baa ɛ heyaa la wa. Mɛɛ tɔ Babelɔn neerare nyuunee, a ɡel ba buli bwa ɡe hweeh.

1 Samoɛl 25:39

Devid baa no kɛ Nabal sewɔ, asɛ o ŋɔ, “Korowii jam kɛŋɔ waa bɔ Nabal kem n chɛɡa waa chɛɡ mɛ wa, asɛ o ta ɡelɛ men maa ɛ o bonɔɔ ɛ wechɔɡa bɛlbwa nɔ. Korowiirii tɛr o deŋne o wechɔɡa waa ɛa waa la.” Asɛ Devid tomɛ ba ka ŋɔ Abiɡel be ŋɔ o dɛ nyinu dɛ́ mo.

Yela 35:10

Mɛɛ le n bambile bini bwaa dɛ ŋɔ, “N Naa Korowii, umee do kɛ hen ɔ? He lɛ nɛŋɡwɛɡra dɛɛ le nɛŋkpeɡa nɔn ta, dɛ lɛ nyaara dɛɛ le nɛra baa dɛ fiɡ ba nɔn ta.”

Yela 43:1

N Naa Korowii, pa mɛ boldɛɛɡe, che n habɔɔ, dɛ́ bol n waa tɛ mɛ, nɛra baa wola hen Korowii tomɛ nɔ be, lɛɛ mɛ le nyosonteŋna, ne nyubinikpeɡ tena nɔn ta.

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Maeka 7:9

Ya ɛ wechɔɡa dɛ jo Korowii nɛ, anomanta, a chɛ kɛ yá na o bandia tama mɔɔ. Wɛɛ lɛ yaa dɛ́ le chɔɡre baa kpɔa ɛ yaa la ta. Wɛɛ lawɛ yaa ba bɔchaah ta, ásɛ ya na toɡra o wa aa toɡra.

Jeremia 50:34

Kɛ ba Lɛɛ la kpeɡri, o sɔne Koranar Bwa Kooro. Wɛɛ yoo kohona dɛ́ lɛɛ ba, ásɛ ba dɔ bosɔɔhna ba harɛ ta, kɛ Babelɔn tena te, ba bwaraa dɛɛ ba nyɛɡa.”

Habakuk 2:8

He pa harɛre nɛra kondɔɔh bwa, ɡɛɛ nɛra baa kaa la ɡe ɛɛ ba hé kondɔɔh pae. Nɛra haa kpoora dɛ fuɡe ba chale ta kohona, ne chɔɡa haa chɔɡ harɛre ne bwɛɛre ne nɛra baa soɡe a ta la nomanta, ɡɛɛ baa ba he ɡe ɛɛ.

Aesaya 33:1

Hé bwɛɛlɛ, nɛra haa dɛ chɔɡ nɛra, nɛra aa wola he te chɔɡ. Hé le nɛra dɛɛ tɛ, nɛra aa wola he te leɛ dɛɛ tɛ. Hé ɡel nɛra chɔɡaa, nɛra ɛɛ chɔɡ heyaa, he ɡel nɛra lee dɛ tɛ aa, nɛra ɛɛ le heyaa tɛ.

Yela 68:5

O ɛ bilalbii mɛɛ, dɛɛ che luhaahna habɔɔ. Onee Korowii waa soɡe o Dea waa do ɡoroŋ bini.

Yela 35:1

N Naa Korowii, kpɔ nɛra baa ɛ n dɔma la ɛ he dɔma, ka yo nɛra baa dɛ yoo mɛ la.

1 Samoɛl 24:12

Korowiirii dɛ́ bol n ne he baah waa dɛ́ pa bole. Onee dɛ́ bɔe kem waa haa liira n nɛɛ la wa, kɛ n te maa hen waanee ɛ bwa.

1 Samoɛl 24:15

Korowiirii dɛ́ bol n ne he baah waa dɛ́ na naate waa di bolchɔɡe. Onee dɛ́ nyiŋi waa nɔ ta ásɛ dɛ cha mɛ, dɛ́ lɛɛ mɛ le he nɔn ta.”

Kaala 22:22

Hɛ́ɛ berɛ luhaahna kɛɛ bilalbii fiiɡa.

Kaala 22:23

He fiɡ ba asɛ ba wi no men Korowii aa, mɛɛ cha baa.

Yela 12:6

Korowii waa do chasee, dɛ do yaradae, kɛŋɔ suuɡapoŋ baa laa doŋa kpɔ o ta kera anuanɛ, o do wer kohona la.

Yela 103:6

Korowii bol nɛra baa dɛ fiɡ ba waa dɛɛ tɛɛ ba, dɛ ɡel baa dɔ waa aa chɛ kɛŋɔ bá dɔ.

Yela 140:13

Kasinteŋ, nɛra ba wa aa toɡra la ɛɛ kpɛɛree, baa do he siee.

Sɛɡla 21:7

Nyubinikpeɡ te naɡrenyinii dɛɛ chɔɡo, o dɛ vɛh waa aa wera ɛɛ.

Jeremia 30:16

Kɛ taraken, nomɛlbwa waa dɛ nyin he chɔɡa la mɛɛ chɔɡoo, ásɛ ba lawɛ he dɔma bwa kaa harɛfala ta. Nɛra baa dɛ fiiɡi heya la, baa fiiɡi ba ɡee, ba pa he laala kaa laa, baa pa ba ɡe laalaa.