Sɛɡla 22:22 - mzwDBL

²² Bɛ he dɔŋ nyae waa koh dɛ́ ɛɡro lɛ komɛl. Bɛ o nɛɛ nya, ásɛ dɛ bol waa bɔɔ kɔɔto.

Sɛɡla 22:22 Referans Kwoze

Sekaria 7:10

He bɛ luhaahna kɛɛ bilalbii kɛɛ nɛŋhɔɔhra kɛɛ nyaara dɛɛ fiiɡi. He bɛ dɔŋa liichɔɡa dɔ.

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Sɛɡla 22:16

Nɛn waa ɛɡre nyaara dɛ dɔ kwaa dɛɛ ja la, ne onɔ la waa kpɔ kwaa dɛɛ kɛ dɔɔhna la, ba bwa dɛ nya.

Kaala 23:6

He bɛ nɛn nyae waa koh dɛ́ pao bolchɔɡe kɔɔto.

Job Tɔn 31:21

kɛɛ dɛ n aah bilalbie dɛ fiiɡu, jema maa jema kɛŋɔ mɛɛ di bole kɔɔto la waa yaa,

Job Tɔn 31:16

Dɛ n vɛh nyaara pɛla kwaa kpɔe dɛ tɛɛ ba, kɛɛ dɛ ɡel luhaana hwɛɡa ta pɛɛ,

Ɛsekeɛl 22:29

Harɛ la ta, nɛra ɛɡre nɛra dɛɛ lɛ ba kwa, dɛɛ faah nɛŋhɔɔhra ne nyaara, baa waa bolɛ dɛɛ tɛɛ ba aŋwɛnɛ ta.

Lewi Dea Tena 25:17

Hɛ́ɛ ɔmɛ Korowii dɛ́ɛ berɛ dɔŋa faahra. Men Korowiirii bola.

Mmarare 23:16

O dɔ ŋwɛnɛ kɛŋɔ ó so he bwɛɛre la bɛlbwa waa dɛ nyin ta. Kɛ bɛ on fiiɡi.

Kaala 23:3

He bɛ nomɛl nyae waa koh dɛ́ sune o nɛɛ kɔɔto.

Lewi Dea Tena 19:13

Hɛ́ɛ berɛ he dɔŋa faahra, kɛɛ dɛ́ ŋwɛo. He bɛ ɡel nɛn ɛ he toma ásɛ he di o kem tɔɔ per a ta.

Sɛɡla 21:7

Nyubinikpeɡ te naɡrenyinii dɛɛ chɔɡo, o dɛ vɛh waa aa wera ɛɛ.

Aesaya 10:2

Ba laa nyaara waa sie dɛɛ berɛ, dɛ laa nɛra baa lɔ wahala ta waa dɛɛ ɡole, dɛ lɛ luhaahna kwaa dɛɛ le ba be, dɛ berɛ dɛɛ kah bilalbii ɡe kwa.