Sɛɡla 21:4 - mzwDBL

⁴ Sisa we-ɛɛla ne mbarafo, ne wedoŋa bwa ɛ wechɔɡa.

Sɛɡla 21:4 Referans Kwoze

1 Pita 5:5

He bonɔɔna ɡe la, hɛ́ɛ tɛ he nomonome duure. Hé bwa pwɛr he te dɛɛ tɛ dɔŋa, dɛɛ cha dɔŋa, dɛkalkɛŋɔ Korowii Tɔn bolɔ ŋɔ, “Korowii ne mbarafo tena aa jo, kɛ o dɛ sune nɛra baa dɛ pwɛr ba te nɛɛ dɛɛ cha ba.”

Sɛɡla 6:17

nɛn waa nyiŋi nɛn dɛɛ vah, ne nyosonteŋni, ne nɛŋkpoa,

Aesaya 2:17

Nɛn nyanyini ɛɛ ba harɛɛ ɡɛ saŋ, ásɛ maŋkurae nɛwɛnyini aa dɛ maŋkura o te la tonɛ. Korowii ɡbo sɔnee dɛɛ ba lee awola tɔpere,

Sɛɡla 8:13

Nomɛlbwa waa dɛ ɔmɛ Korowii kii wechɔɡa, anomanta, n kii mbarafo ne maŋkurae we-ɛɛla, ne wechɔɡa ŋwɛnɛre, dɛ nyosone.

Tɔn Pɔɔl Aa Chwerɛ Rom Tena 14:23

Kɛ dɛ o dɛ di komɛl dɛɛ ɛ aahna-aahna kɛŋɔ o ɛ kondoŋ kɛɛ o ta kondoŋ ɛɛ yaa, Korowii ɛɛ pao bolchɔɡee kɛŋɔ waa dɛ diu, dɛkalkɛŋɔ o waa waa dɛ ɛ la, waa an ɛ yarada ne. Wobɛlbwa ɡe nɛn aa dɛ ɛ waa wola an ɛ yarada ne, o liire aa wola on kɛrɛdɛ do a ta la, a ɛ wechɔɡa.

Amanesoma Luk Aa Chwera Tɔn 18:14

Anee Yeesu ŋɔ, “N dɛ ŋɔ he be ŋɔ, toɔ lɛɛ la bee Korowii no dɛ kpɔ o wechɔɡa kɛo dɛ doo nɛndɛɛɡa bini, asɛ o kaa o dem. Farisii te la te, o ta o be noɛ. Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa pwɛr o te la, Korowii ɛɛ ɛo nɛnjenii.”

Aesaya 3:16

Korowii ŋɔ, “Saayɔn haahna dɛ ɡɔɔ ba te, dɛ valɛ dɛ laa ba baŋa pa, dɛ kpɔ sie dɛɛ nyin baala. Ba dɛ valɛ tolvala naɡale bori ne, asɛ naloɡa baa kpɔa do ba nakpale la ɛɛ do ɡbɔɡa.”

Sɛɡla 21:27

Korowii kii nɛnchɔɡe saraha, n baa bol kɛŋɔ haa kpɔ liichɔɡa ɛa.

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

Yela 10:4

Nyubinikpeɡ tena waane laa Korowii wa, ba mbarafo, dɛɛ lii kɛŋɔ, Korowii waa ta hiaih.

Aesaya 2:11

Nɛn nyanyini ɛɛ tonɔɔ ɡɛ saŋ, ásɛ maŋkurae nɛwɛnyini aa dɛ maŋkura o te la ba harɛ, Korowii ɡbo sɔnee dɛɛ ba lee ɡɛ saŋ.

Sɛɡla 30:13

Nɛra bane dɛ ɛ mbarafo, dɛɛ nyiŋi nɛra nyubaahna.

Amanesoma Luk Aa Chwera Tɔn 11:34

Sibie do kɛ kandea dɛ tɛ nɛwɛnyini. He sibie wer aa, he dɛ na bɔr. Dɛ a chɔɡɔ ɡe aa, amɔ dɛ he lɔ biro ta. Gɛɛ a do, dɛ he sie beɡre Korowii waa ta naa, dɛ he wobɛlbwa chaahnɔ. Kɛ dɛ he sie beɡre harɛ nɔ ta kwaa ta naa, he lɔ biro ta.

Sɛɡla 24:20

Wechɔɡ-ɛɛ ta hwɛɡa bɛlbwa dɔe kerekere, wobɛlbwa toole o sie dawɛ a ta.

Job Tɔn 18:5

Wechɔɡ-ɛɛra kandea ɛɛ dimoo, wɛɛ ɡel hɔe.

Job Tɔn 18:6

Kandere aa lɔ ba deenee ɛɛ dimoo, bɔr bir ta ba nɛ.

Yela 101:5

Nomɛlbwa waa sɔah dɛɛ chɔɡ o dɔŋ la, mɛɛ doŋu le n be. N ne nomɛlbwa waa dɛ na o nyu aa won pɛ.

Yela 131:1

N Naa Korowii, n ɡel mbarafo ɛɛ, maa n te ɡɔɔ kpa. N liire toole wejena kɛɛ nyokpowa aa ɡwaa n nɛɛ ta.

Sɛɡla 6:16

Webele anumɛl kɛɛ anuanɛ ane lole Korowii haah kɔkɔkɔkɔ, anee,

Aesaya 10:12

Dɛ Korowii baa tonɛ ɡɛ waa ɛ nɛra baa lɔ Saayɔn Bwejen doa ne Jerusalam bwa naa, wɛɛ ŋɔɔ, “Mɛɛ ba tɛr Asiiria koojen deŋnee o mbarafo ne nyiŋa waa nyiŋi nɛn dɛɛ vah la wa.