Sɛɡla 21:3 - mzwDBL

³ We-ɛɛla aa wera dɛ toɡre, dɛ su Korowii siwi ɡwaa kɛŋɔ haa ɛ saraha tɛo.

Sɛɡla 21:3 Referans Kwoze

1 Samoɛl 15:22

Kɛ Samoɛl chaŋo ŋɔ, “Korowii sie dɛ lɛ saraha baa fuah ne kwaa baa kpoora, ɡwaa kɛ haa no o deŋna wa aa? Korowii deŋna waa noe wer ɡwaa kɛ haa kpo pedɛɛɡe ɛ saraha tɛo.

Hosia 6:6

He dɛ na dɔŋa sum aa, anee mɛɛ nyin dɛ ɡwaa kɛ haa kpoo kwaa dɛɛ tɛ mɛ. Men Korowii jema hiah mɛ ɡwaa sarahare ɛɛ dɛ́ fuah.

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

Amanesoma Mak Aa Chwera Tɔn 12:33

A chɛ kɛŋɔ yá nyinu ya bambile ne ya liire ne ya bokpeɡa bwa ne, dɛ́ nyin ya dɔŋa kɛŋɔ yaa dɛ nyin ya ɡbaɡba la. A ɡɛ mmarare anɛ nɔ ta teŋaa wera ɡwaa ɡɛ bwa yaa kpoo kwaa dɛ fuah dɛɛ tɛ Korowii, dɛ che kwaa kaa tɛo.”

Yela 50:8

Maa heyaa kah ŋɔ kwaa haa kpoora ɛ sarahare, kɛɛ kwaa haa fuah ɛ sarahare n sie saŋ bɛlbwa la aa were.

Yela 40:7

Belaa n ŋɔ, “N Naa Korowii, menee la. N balɔ. Ba chwerɛ n waa do he Mmara tɔn la bini.

Sekaria 7:9

ń bol o nɛra be ŋɔ “Hɛ́ɛ nyiŋi dɔŋa nɛɛ kasinteŋ ne, dɛ́ dɔ tedoma dɛɛ tɛ dɔŋa dɛɛ ɛ wedɛɛɡa.