Sɛɡla 20:21 - mzwDBL

²¹ Dɛ he ta koɛh dɛ dɔ he te mumpar aa, a habɔɔ la, aa hen kɛrɛdɛ chiɡ.

Sɛɡla 20:21 Referans Kwoze

Sɛɡla 13:22

Nɛra ba wa aa toɡra naanaree dɛɛ di ba kapɛrɛre, kɛ nɛnchɔɡa te kapɛrɛre dɛ kaa nɛra ba wa aa toɡra be.

1 Timoti 6:9

Nɛra ba siwi aa swɛɛ suuɡa ta la dɛ́ chole. Suuɡa sibeɡra dɛ neɡ ba dɛɛ do pɛlchɔɡa ta, dɛ ɡel baa na wa, dɛɛ pɛlɛ konsale ne waa aa dɛ ba waa ne nɛ, dɛ yon ɡel ba chɔɡ kwaraa.

Habakuk 2:6

Nɛra Babelɔn tena aa pɔ ba nɛɛ la ɛɛ mam baa dɛ́ ŋɔ, ‘Hé bwɛɛlɛ, kɛ haa cheɡ kwaa aa wola he kwaa ɛɛ, dɛ kpɔ nɛnfaah kwaa ɛ kondɔɔh nɔ. Saŋ besoo hɛɛ ba ɡɛ waa nɔ ɛɛ ka jaɡɔɔ?’

Sɛɡla 28:22

Nɛn o siwi aa dɛ beɡre kwaa dɔe ta la, waa saŋ nyae aa ba o nɛɛ la te lii.

Sɛɡla 28:20

Nɛn waa dɛ bol kasinteŋ la, o dɛ na som taeh, kɛ nɛn o siwi aa swɛɛra kɛ o dɔ kwaa warane la ne wahalaa.

Sɛɡla 28:8

Nɛn waa dɛ kemɛ nɛra suuɡa, dɛ lɛ a nee kohona dɛ dɔ kondɔɔh la, o lɛa dɛɛ tɛ nɛn waa dɛ na nyaara sum.

Sɛɡla 23:4

Bɛ kondɔɔh waa koh dɛ́ chɔɡ he te, ɡel a ɡɛ liire la, dɛ́ jemɛ he te lawa.

Malakae 2:2

dɛ he vɛh n waa nɔ noe, dɛ vɛh jirima kpɔe dɛ́ tɛ n sɔn he bambile bwa ne naa, taahnaa mɛɛ ba heyaa taahna, dɛ́ ɡel kɛ n fe aa swee andɛɛɡa tɛ heya. N dɔɔ taah heya, dɛkalkɛ he ta he liire ɛɛ kɛŋɔ he kpɔ jirima tɛ mɛ.

Sekaria 5:4

Koranar Bwa Kooro ŋɔ, “Mɛɛ tomɛ tɔn nyotaahna aa lɔ o ta laanee o kaa dem bɛlbwa baa dɛ ŋwɛ ta, ne dem bɛlbwa baa teŋe nyosone dɛɛ ŋwɛɛ n sɔn ta. Wɛɛ ka do dem la taa dɛ́ taɡɔ ɡo, dɛ́ kuuɡi o daa bwa kwaraa.”

Sɛɡla 20:20

He taah he nya kɛɛ he mɛɛ aa, he piɡro dɛɛ sewɛ kɛŋɔ kandea aa dima biro ta la.

Sɛɡla 20:22

Bɛ wechɔɡa kpɔ bɔ wechɔɡa kem, dɛɛ hwɛɡɛ Korowii nɛɛ o ɛ wobɛlbwa tɛɛ.

Sɛɡla 21:6

He kpɔ nyosone ŋwɛnɛ ta dɛ dɔ kwa aa, a dɛ le he nɔn ta kɛŋɔ peu ken, dɛ́ berɛ ba seo ne.