Sɛɡla 20:2 - mzwDBL

² Kooro bandia do kɛŋɔ nyujente aa dɛ si ken. Nomɛlbwa waa dɛ doo bwaawee la dɛ ta o nyu.

Sɛɡla 20:2 Referans Kwoze

Sɛɡla 19:12

Kooro bandia do kɛŋɔ nyujente aa sia ken, asɛ o silɛɛ ɡe do kɛŋɔ mɛn aa ta kpɔɡa ta ken.

Wejereme 10:4

Dɛ kooro baah di he nɛɛ aa, bɛ ŋɔ he dɛ vɛh toma waa kpɔa do he nɔn ta. Bambile lawa ɛɛ won sɔɔh he wechɔɡa haa ɛa nyoa.

Sɛɡla 8:36

Nomɛlbwa waa wola men nae la, o ɛ o te, nomɛlbwa waa hah mɛ la pɛla lawɛ seo.”

1 Koranar 2:23

Ate, Kooro ŋwɛɛ Korowii ŋɔ, “Dɛ Adonija ta o nyu kpɔe bol o wesoŋa nɔ wa aa, Korowii tɛr n deŋne kohona ɡɛ bwa aa chɛa.

Hosia 11:10

Dɛ n kɔr n nɛra dɔma nɛɛ kɛŋɔ nyujente aa, baa teŋɛ n nɛɛ. Baa le wee cholibɔree dɛ́ ba n be warane.

Habakuk 2:10

He vɔrɔwɔ dɛ chɔɡ harɛre nɛra kohona, dɛ ɡel sihiih kpo he ɡbaɡba dem tena, dɛ berɛ ba waane ba dawɛ he nɛ.

Emɔs 3:8

Nyujente kɔraa, umee wola ɔmɔɔ? Nemenɛ Korowii bol wa aa, umee wola la ka bol o waa aa dɛ ba bala laɔ?

Nɛra Kura 16:38

Kwaa nɛra la aa kpoŋaa dɛ ɛ wechɔɡa dɛ fuh daawiile a ta dɛ serewe la, hé lɔɔra a paɡri dɛ́ kpɔ dɛɛ tɔ kon baa dɛ ɛ saraha o ta la ta. A te do ɡoroŋ, dɛkalkɛŋɔ ba kpɔa baa fuh daawiile Korowii sie. Hé ɡel a ɡɛ kwaa baa lɔɔra dɛ tɔ kon baa dɛ ɛ saraha o ta nɔ do le dɛ́ ja Israel tena bwa.”

1 Koranar 2:24

N ŋwɛɛ Korowii waa lole dɛ kpɔ mɛ chiɡ n mɛɛ Devid buɡ ta kiŋkiŋ kɛŋɔ kooro, dɛ tɛ n ne n naanar ɡɛ waa baɡɛ nyoa la, a chɛ kɛ bá kpo Adonija fini ɡbo.”