Sɛɡla 20:15 - mzwDBL

¹⁵ Dɛ he jemɛ waa haa dɛ bol aa, he dɔ kon ɡwaa suuɡaswɛm ne suuɡapoŋ.

Sɛɡla 20:15 Referans Kwoze

Sɛɡla 25:12

Nɛn waa dɛ no nɛn waa jemɛ waa wejaala la, a ɡwaa kwaa baa kpɔ suuɡaswɛm tenten ɛa.

Sɛɡla 8:11

Menee Wejema, n ɡwaa kwaa baa kpɔ suuɡaswɛm ɛa, haa won kpɔ he bambile ta komɛlbwa maɡ mɛ.

Sɛɡla 16:24

Wobodɛɛɡa do kɛŋɔ tohnoo ken, a som nyoa ta dɛɛ tɛ bokpeɡa ɡe.

Sɛɡla 16:16

A wer kɛŋɔ haa dɔ wejema ne waa mun noe, dɛ ɡwaa kɛŋɔ haa dɔ suuɡaswɛm ne suuɡapoŋa!

Sɛɡla 15:7

Wejerema wobol dɛ tɛ wejema, Gɛne wobolee wola won wobɛlbwa tɛ.

Ɛfesos 4:29

He bɛ ɡel wedoŋa bɛlbwa ɛɛ le he nyoo, kɛ hé ɡel he wobol ɛ waa aa wera dɛɛ do nɛra ɡbemba waa aa kpoŋ ba ta, dɛ won cha banɔ la baa dɛ noa la.

Sɛɡla 16:21

Nɛn o liire aa wera dɛ dɔ wejema laanee ba ŋɔ o dɛ no waa mun. O wobosoma taa a che nɛra sɛh dɛɛ ba o be.

Sɛɡla 3:15

Wejema yoɡ kpeɡri, dɛ ɡwaa kwaa baa kpɔ suuɡaswɛm ɛa, he konnyini bɛlbwa toole he won kpɔ maɡɔ.

Sɛɡla 15:23

He chaŋe waa aŋwɛnɛ ta naa, a dɛ ba silɛɛ ne dɛɛ tɛɛ. Waa bola a saŋ ta wer ɡa.

Sɛɡla 20:14

He yon ŋɔ kon yoɡ aa were, dɛ berɛ kaa maŋkura he te o yawa ta.

Sɛɡla 20:16

Nomɛl di hɔɔh ajinamuu he be naa, lɛ o yal cheɡ, dɛ naate ta he bini bɛl ɛɛ yaa, lɛ o komɛl cheɡ awɔba.

Sɛɡla 5:2

Ásɛ dɛ che a ta dɔ dadɛɛɡe, ásɛ he wobol baɡle kɛŋɔ he dɔ wejema.

Sɛɡla 8:10

Hé kpɔ waa maa kpɔa dɛɛ ja heya dɛ́ ɡel suuɡapoŋ, hé kpɔ wejema ɡwaa suuɡaswɛm tenten.