Sɛɡla 20:13 - mzwDBL

¹³ Dom dɛ do he som kohona naa, nyae hɛɛ nya, he iro dɛɛ ɛ toma aa, kondikwaa dɛɛ bu he nɛ.

Sɛɡla 20:13 Referans Kwoze

Sɛɡla 19:15

Bɔhwaahree dɛɛ chɔ dom kohona, ɡɛɛ nɛn waa wola waane ɛɛ nyin la ɡe ɛɛ chɔ lɔr.

Tɔn Pɔɔl Aa Chwerɛ Rom Tena 12:11

Hé laa bɔhwaah kpɔ he waa bini, dɛ́ do ɡbemba dɛɛ tomɛ ya Dɔɔ Yeesu Kristo.

Sɛɡla 12:11

Paa waa swɛɛ siwi dɛɛ ɛ toma laanee, dɛɛ dɔ kondikwaa kohona. Gɛnee dɛɛ chɔɡ o te toma aa wola tɔnɔ dɔe ta.

Sɛɡla 10:4

He dɛ ɛ bɔhwaah aa, nyae hɛɛ nya, kɛ dɛ he dɛ ɛ toma tenaa, kwaa hɛɛ dɔ.

Sɛɡla 13:4

Bɔhwaah bɛlbwa aa o konnyini dɔ, kɛ nɛn waa dɛ nyin toma te, o dɛ dɔ kon waa dɛ nyin.

2 Tesalonika 3:10

Waa yaa kpɔa tɛ heyaa ɡɛ saŋ ya fa aa lɔ he be bela laanee kɛŋɔ, nomɛlbwa waa ŋɔa waa tomaa ɛ la ta chɛ kɛŋɔ ó di kwa.

Tɔn Pɔɔl Aa Chwerɛ Rom Tena 13:11

Hɛ́ɛ nyin dɔŋa, dɛkalkɛŋɔ he jemɔ kɛŋɔ tɔpere la telo. He jemɔ kɛŋɔ a telo kɛŋɔ dɛ chɔe he chɔ a, he ir! Ya lɛɛ tɔpere la joɔ tonɛ taraken dɛ ɡwaa ɡɛ saŋ yaa kpɔ ya te tɛ Yeesu dɛ pa mun dɛɛ teŋɛ o nɛɛ la.

Ɛfesos 5:14

Kon la bwa bɔr aa chaah o ta la, o ɡbaɡba dɛ baɡle o te. A waa ba yon ŋɔ, “He banɔ la haa sewa chɔ la, hé ir, ásɛ Kristo chaah he nɛɛ” la.

Jona 1:6

Nomoa waa dɛ nyiŋi stiimae la ta la, la Jona be dɛ ka na kɛŋɔ o chɔ dom kwaraa. Asɛ o chumu dɛ ŋɔ, “Bɔree he te dɔ dɛ chɔ aa? Ir, dɛ́ wi yerɛ he voɡ haa dɛ tomɔ, o ken ɛɛ na ya sumii, dɛ́ lɛ yaa le waa nɔ nyoa, ásɛ ya dɔ ya nyu.”

1 Kɔrent 15:34

Anomanta, hé ir dɛ́ ɡel he sie chɔ harɛ hɛɛ ɛ kɛrɛdɛ, dɛ bɛ wechɔɡa dɛɛ ɛ. He bini bane aa Korowii waa jemɛ kɛrɛdɛ. A ta sihiih ɛɛ tɛ heya aa?

Sɛɡla 20:14

He yon ŋɔ kon yoɡ aa were, dɛ berɛ kaa maŋkura he te o yawa ta.

Sɛɡla 28:19

Paa waa swɛɛ siwi dɛɛ ɛ toma laanee, dɛɛ dɔ kondikwaa kohona, kɛ onɔ la waa teŋɛ wesale ta la te dɛ nya.

Sɛɡla 31:15

O felo dɛɛ ir chɔmbibii, dɛɛ tɛ o dem tena kondikwa, dɛ́ berɛ baɡle o toli dem toma bá ɛ.