Sɛɡla 19:8 - mzwDBL

⁸ Nomɛlbwa waa dɔ wejema la, dɔ nyina tɛ o ɡbaɡba, ɡɛɛ nɛn waa dɛ no waa mun la, o wobɛlbwa ɛɛ do wer.

Sɛɡla 19:8 Referans Kwoze

Sɛɡla 16:20

Nomɛlbwa waa cheɡ deŋne dɛɛ no waa la, dɛ́ dɔ kɛrɛdɛ, nomɛlbwa waa dɛ hwɛɡɛ Korowii nɛɛ la, o na som.

Sɛɡla 3:18

Nɛra baa dɔ wejema la, ba na som, o dɛ tɛ mkpa kohona.

Sɛɡla 4:6

Bɛ wejema vɛh, ásɛ o nyiŋi he nɛ. Nyinu he bambile bwa, ásɛ o kpɔ nɔn tɔ he nɛ.

1 Pita 3:10

Ba chwerɔ do Korowii Tɔn bini ŋɔ, “Nomɛlbwa waa dɛ nyin mkpajaŋ, dɛɛ nyin kɛ o bwara sɔɔhno la, wɛ́ɛ nyiŋi o nyoa kɛrɛdɛ. O bɛ wobochɔɡa dɛɛ bol, o bɛ nyosone dɛɛ teŋe.

Amanesoma Jɔn Aa Chwera Tɔn 14:21

Nomɛlbwa waa lɛ n waa maa kpɔa tɛ heyaa dɛɛ teŋɛ a ta la, onee dɛɛ nyin mɛ. Nomɛlbwa waa dɛ nyin mɛ la, n Mɛɛ la ɛɛ nyinuu, ásɛ n ɡe nyin naate, dɛ́ kpɔ n te baɡlo.”

Sɛɡla 22:18

A wer kɛ he kpɔ do he nyu bini, dɛ́ kpɔ dɛɛ bol wa.

Sɛɡla 17:16

Tɔnɔ besoo a dɔ kɛŋɔ ɡɛne kpoŋe suuɡa dɛɛ nyin wejema dɛ o ta a liire dɔe yɔ?

Sɛɡla 4:21

Bɛ ɡel a le he liire ta, ɡel a do he nyu bini.

Sɛɡla 4:4

n mɛɛ fa yon bol waa dɛɛ baɡ mɛ dɛ ŋɔ, “Gel waa nɔ ɛɛ liire dɛ bɛ soh. Dɛɛ teŋɛ a ta ásɛ dɛ biɡri.

Sɛɡla 3:21

N bie, lawɛ he wejema ne waa mun noe bini, bɛ ɡel a paŋɛ.

Yela 19:11

A cheɡɛ a ta men maa ɛ he torome ɛɛ dɔ wejema, dɛɛ dɔ kembɔr a ta teŋa ta.

Amanesoma Jɔn Aa Chwera Tɔn 12:25

Nomɛlbwa o siwi aa swɛɛ harɛ nɔ ta silɛɛ kwaa ta la, wɛɛ paŋɛ o nyuu. Asɛ nomɛlbwa ɡe o siwi aa wola harɛ nɔ ta silɛɛ kwaa ta lɛ la, wɛɛ dɔ o nyuu dɛ dɔ Korowii mkpa aa wola jaɡa dɔe la.

Ɛsekeɛl 36:26

Mɛɛ tɛ heyaa bambifale ne liifalaa, ásɛ he won dɛɛ teŋɛ n waa ta. Mɛɛ laa he bambile waa do kɛ bwe laanee kpɔ, dɛ́ tɛ heyaa bambile waa pwɛra.

Sɛɡla 19:9

Dansewea te dɛ́ dɔ deŋnetɛra, ɡɛɛ nyosonteŋni ɡe ɛɛ sewɛ.

Sɛɡla 3:22

Aa tɛɛ mkpaa, dɛ́ ɡel he soɡa bini do wer.