Sɛɡla 19:23 - mzwDBL

²³ Korowii ɔmaa dɛɛ ba mkpa ne, anee ɡela nɛn liire ɛɛ chɔ bobeŋkpoŋ o bwara ɛɛ sɔɔhno.

Sɛɡla 19:23 Referans Kwoze

Matiu 5:6

Nɛra ba sie aa beɡre waa aa toɡra dɛɛ su Korowii siwi la, ba na som, dɛkalkɛ Korowii ɛɛ cha baa a ta kɛrɛdɛɛ bá dɔa ba tetoora.

Sɛɡla 12:21

Wechɔɡa aa nɛn o wa aa toɡra pu, kɛ nɛnchɔɡe te ne wejoree.

Yela 90:14

Gel he nyina aa wola jaɡa dɔe la do ya nɛɛ chɔɔ bɛlbwa, ásɛ ya ɡo silɛɛ yela dɛɛ hɛɡre ya soɡa bini bwa.

1 Timoti 4:8

Dɛ he swɛɛ siwi dɛɛ tɛɡre he pɔla bini naa, a dɔ tɔnɔ tama. Kɛ dɛ he swɛɛ siwi kɛ hɛɛ dɛɛ teŋɛ Korowii waa la taa yaa, anee dɔ tɔnɔ wobɛlbwa ta, dɛkalkɛ Korowii nɛɛ teŋa dɔ tɔnɔ tɛ nɛra fini ne seo habɔɔ bwa.

Sɛɡla 10:27

He dɛ ɔmɛ Korowii aa, he dɛ biɡri, kɛ he dɛ ɛ wechɔɡa aa, haa he saŋ tel.

Yela 103:17

Nɛra baa dɛ ɔmɛ Korowii la te, o nyina lɔ ba nɛɛ saŋ bɛlbwa dɛɛ la, asɛ dɛɛ ɛ ba bii ne ba naanar andɛɛɡa saŋ bɛlbwa dɛɛ la.

Yela 85:9

Kasinteŋ, nomɛlbwa waa dɛ tomɔ la, wɛɛ lɛo, ásɛ o jirima do ya harɛ nɔ ta.

Tɔn Pɔɔl Aa Chwerɛ Rom Tena 8:28

Ya jemɔ kɛŋɔ nɛra baa dɛ nyin Korowii la, wobɛlbwa aa puu ba la, o ɡelɔ a ɛ wedɛɛɡa dɛɛ tɛɛ ba. O tetooraa o lee ba ba ɛ o bii.

Malakae 4:2

Kɛ he banɔ la haa dɛ duu mɛ la, kpeɡri maa kpɔ lɛ heyaa la ɛɛ ba he nɛɛ kɛŋɔ wechɛn yon le dɛɛ tɛ bokpeɡa la. Ásɛ he sie lɛ kɛŋɔ ba yon ya nae bii leɡ ta a sie lɛ aa jah la ken.

Yela 91:16

Mɛɛ ɡeloo bá so dɛ́ biɡri, ásɛ n lɛɛ ba.”

Yela 25:13

Korowii ɛɛ ɡeloo ba wobɛlbwa do wer tɛɛ ba saŋ bɛlbwa, ba naanar kpɔ harɛ la ɛ ba kapɛrɛ kon.

2 Timoti 4:18

Ya Dɔɔ la ɛɛ lee mɛ wobɛlbwa taa, dɛ́ kpɔ mɛ sɔnɔnɔɔ ken kaa o nyundua koobwɛɛ la ta. Onee chɛ kɛ ya tɛo jirima tɔpere bɛlbwa aa wola jaɡa dɔe. Aamen.

Yela 19:9

Korowii ɔma wer ɡa, aa do lee saŋ bɛlbwa dɛɛ la. Korowii waa bola dɛ́ pa bole ɛ kasinteŋ dɛ toɡre.

We-ɛɛla 9:31

A habɔɔ la, asɔre tena baa lɔ Juda ne Galilia ne Samaria harɛre la bwara sɔɔh ba, asɛ Korowii Domadɛɛɡe la cha ba, nɛra baa ja ba nɛ, baa dɛ ɔmɛ Korowii dɛɛ teŋɛ o ŋwɛnɛ ta nomanta.

Yela 91:10

anomanta, wenaale bɛlbwa aa hen pu bwa, wekpeɡa bɛlbwa ɡe aa he dem kwaraa bɛne!

Sɛɡla 11:19

Nɛn o siwi aa swɛɛra kɛŋɔ o waa toɡre kɛrɛdɛ la, dɛ́ dɔ o nyu, kɛ nɛn waa teŋa dɛɛ ɛ wechɔɡa la te dɛ́ sewɛ.

Sɛɡla 19:22

Kɛrɛdɛ nɛn aa dɛ ɛ waa ba teŋɛ dɛɛ nyin o wa, nɛn nyao bɔ kɛŋɔ waa dɛ teŋe nyosone.

Sɛɡla 3:24

He chɔɔ waa haa ɔmɛ, dɛ́ chɔ domsoma.

Sɛɡla 22:4

Ɔmɛ Korowii, pwɛr he te, hɛɛ dɔ kwaa ne jirima ne mkpajaŋee.