Sɛɡla 19:16 - mzwDBL

¹⁶ Nɛn waa dɛ teŋɛ Korowii Mmara ta la, o dɛ dɔ o nyu, nɛn waa wola a ta teŋɛ la, ó dɛ sewɛ.

Sɛɡla 19:16 Referans Kwoze

Amanesoma Luk Aa Chwera Tɔn 10:28

Anee Yeesu ŋɔ o be ŋɔ, “Kpelaa he ŋɔ. Dɛɛ ɛ ɡɛ, hɛɛ dɔ ɡɛ mkpa laanee.”

Sɛɡla 13:13

He ɡelɔ wedɛɛɡa kpɔ he deŋna habɔɔ kaa laa, waa he nyin dɛɛ dawɛ he nɛ, kɛ he teŋɛ a ta naa, he bwara dɛ sɔɔhne.

Amanesoma Luk Aa Chwera Tɔn 11:28

Anee Yeesu ŋɔ, “Nɛra baa dɛ no Korowii Waa dɛɛ teŋɛ a ta laanee na som.”

1 Jɔn 5:3

Dɛ ya dɛ teŋɛ waa Korowii aa kpɔa tɛ yaa ta naa, anee dɛ́ baɡle kɛŋɔ ya dɛ nyinu. O waa la ta teŋa ɡe aa kpeɡe kohona tɛ yaa,

1 Jɔn 3:22

Komɛlbwa yaa soŋo la, o dɛ tɛ yaa, dɛkalkɛ ya dɛ no o waa dɛɛ ɛ anɔ la aa dɛ su o siwi.

Sɛɡla 29:18

Harɛ o nɛra aa wola Korowii waa kpɔe dawɛ ba nɛɛ la, bɛlbwa dɛ ɛ ɡɛ waa dɛ nyin, kɛ nɛra baa dɛ teŋɛ o Mmara ta la, ba na som.

Sɛɡla 21:23

He jemɛ he nyoa lawa aa, haa waa dɔ.

Sɛɡla 16:17

Nɛn o wa aa toɡra la dɛ ke wechɔɡa o vala bini, nomɛlbwa waa dɛ nyiŋi o vala bini la, dɛ dɔ o nyu.

Wepila 22:14

Nɛra baa chɛɡɛ ba laala a do wer la na som, dɛkalkɛŋɔ banee dɛ́ won dɔ Mkpa Daa la nɔna di, dɛ́ won kpɔ doonyoone la ta ba tetoora dɛ́ɛ jo bwɛjen la ta.

1 Kɔrent 7:19

Ba kpɔ kere chɔɡɛ noo, a ta waane ɛɛ, ba ta kere kpɔe chɔɡɛ noo, a ta waane ɛɛ. Kɛ Korowii Waa la ta teŋaa ɛ kasinteŋ.

Wejereme 12:13

No waa la bwa name, a jaɡa bwaa kɛŋɔ, ɔmɛ Korowii dɛɛ teŋɛ o Mmarare ta, waa aa chɛ kɛ nɛwɛnyina bwa ɛ laanee.

Wejereme 8:5

Nomɛlbwa waa no o waa waa dɛ bol la, aa wahalaa na, kɛ wejereme te ɛɛ won jemɛ saŋ waa wera ne ɡɛ waa ɛ.

Sɛɡla 3:1

N bie, bɛ waa maa baɡle nɔ soh, ɡel he liire do waa maa ŋɔa hɛɛ ɛ ta,

Amanesoma Jɔn Aa Chwera Tɔn 14:15

Yeesu berɔ ŋɔ, “He dɛ nyin n wa aa, hɛ́ɛ dɛɛ teŋɛ n waa maa kpɔa tɛ heyaa la taa.

Matiu 16:26

Dɛ nɛn dɔ harɛ nɔ ta kwaa bwa dɛ nyoɡre o nyu aa, bɔkwa tɔnɔɔ wɛɛ ba dɔe yɔ? Bɔkwaa nɛwɛnyini ɛɛ ba wona kpɔ dɛ́ charɛ o nyu ɔ?

Ɛsekeɛl 33:5

Naate no bɛla la sii dɛ vɛh o ta kpɔe ɛ wa aa, o seo ɛɛ ɡure o nyu taa. O pu sie ɛ waane aa, o fe dɔ o nyu.

Jeremia 7:23

N do ba ŋɔ baa no n wa, ásɛ n ɛ Korowii baa dɛ tom mɛ, ásɛ ba ɡe ɛ n nɛra. N berɔ ŋɔ ba be ŋɔ a chɛ kɛ baa ɛ ɡɛ maa do ba la, ásɛ wobɛlbwa do wer tɛɛ ba.

Sɛɡla 22:5

Nafuɡere ne sɔɔhne lɔ wechɔɡ-ɛɛra ŋwɛnɛ ta, he dɛ nyin he nyu aa, laa he te kpɔ ɡɛ ŋwɛnɛ la ta.

Sɛɡla 15:32

Nomɛlbwa waa wola jae no la ta o nyu, kɛ nɛn waa dɛ no jae la, o dɛ no waa mun.

Yela 103:18

Banee nɛra baa dɛ teŋɛ fɔo o ne baa fɔwa ta, dɛ lii dɛɛ teŋɛ o Mmarare ta kasinteŋ ne la.

Job Tɔn 5:2

Bandia dɛ kpo ɡɛne, sibeɡra ɡe ɛɛ kpo nɛn waa wola wobɛlbwa jemɛ.

Sɛɡla 21:16

Nɛn waa kona le wejema ŋwɛnɛ ta la, sewaa wɛɛ sewɛ.