Sɛɡla 19:1 - mzwDBL

¹ Nyaa o bwara aa wola wechɔɡe bɛlbwa dɔe la, ɡwaa nyosonteŋni waa ɡɛna.

Sɛɡla 19:1 Referans Kwoze

Sɛɡla 28:6

Nyaa o wa aa dɔ kasinteŋ la, o bɔ suuɡa te o wa aa doŋa.

Matiu 16:26

Dɛ nɛn dɔ harɛ nɔ ta kwaa bwa dɛ nyoɡre o nyu aa, bɔkwa tɔnɔɔ wɛɛ ba dɔe yɔ? Bɔkwaa nɛwɛnyini ɛɛ ba wona kpɔ dɛ́ charɛ o nyu ɔ?

Sɛɡla 16:8

Ŋwɛnɛdɛɛɡe ta cheɡa dɔ kontama wer, ɡwaa kɛŋɔ haa kpɔ ŋwɛnɛchɔɡe ta, dɛ dɔa kohona.

Sɛɡla 19:22

Kɛrɛdɛ nɛn aa dɛ ɛ waa ba teŋɛ dɛɛ nyin o wa, nɛn nyao bɔ kɛŋɔ waa dɛ teŋe nyosone.

Sɛɡla 20:7

Nɛn o wa aa toɡra o bwara aa wola wechɔɡe bɛlbwa dɔe la, o seo habɔɔ, o bii dɛ na som.

Sɛɡla 15:16

He dɛ ɔmɛ Korowii dɛ dɔ kwaa tama, bɔ kɛŋɔ haa dɔ kwaa kohona dɛɛ dɔ wa.

Sɛɡla 14:2

Nɛn o wa aa toɡra laanee dɛɛ ɔmɛ Korowii, kɛ nɛn waa dɛ neɡre nɛraa wola Korowii kpɔe dɛɛ ɛ wobɛlbwa.

Aesaya 59:3

Nɛŋkpoa ne wedoŋa ɡboo su he bwa. Waa aa dɛ le he nyoo ɛ nyosone, hɛɛ lii nyubinikpeɡ we-ɛɛla.

Yela 37:26

Ba won kwaa kɛɛ, dɛɛ kemɛ ba bala ja, ba bii ɛɛ dɔ andɛɛɡa.

Sɛɡla 12:26

Nɛn o wa aa toɡraa dɛɛ tɛ o dɔŋ liidɛɛɡa, nɛnchɔɡee dɛɛ neɡre o dɔŋ.

Yela 26:11

Kɛ n te, n waa toɡrɔ, sune n nɛ, dɛ́ lɛɛ mɛ!

1 Samoɛl 25:25

N dɔɔ, laa sie kpɔ nyubinikpeɡ te Nabal nɔ nɛ. O deno do kɛŋɔ o sɔn aa doa baa yerɔ ɡɛne nɔ. Kɛ men maa ɛ he tolo te, n ta bonɔɔna haa tom ba la nae.

1 Samoɛl 25:17

Kpɔ ɡɛ waa nɔ liire, dɛ́ na ɡɛ haa dɛ ba wona ɛ, dɛkalkɛŋɔ wenaale dɛ ba n nomoa Nabal ne o dem tena bwa nɛ. O bambile kpeɡri kɛŋɔ nɛn bol waa ó no a mun.”

Sɛɡla 4:24

Bɛ waa aa wola kpela ɛɛ bol bwa, laa he te kpɔ neɡra wobol ta.