6 Gɛne wobol dɛ ba naɡra ne, o nyoa wobolee ɡela baa lɔɔro.
Bwe ne hɛŋle bwa tɔɡre te, kɛ waa ɡɛne aa dɛ ba a ne la ɡwaa a bwa.
Dɛ wejereme kpɔ ɡɛne la kɔɔto aa, ɡɛne la dɛ mamɛ dɛ́ do ɡbɔɡa, dɛ́ ba chɛɡa ne.
He ɡbo soɡe saldoa bɔ kɛ he ne hannaɡrenyini aa pɛ dem.
Baa bɛlbwa jirimaa kɛŋɔ o laa o te kpɔ naɡra we-ɛɛla ta, ɡɛnee dɛɛ nyin yoi.
Deŋnetɛra chɔ le kpa bammuɡli nɛn, ɡɛɛ lɔɔra ɡe do le tɛ ɡɛne.
Nɛn o baah aa dɛ di kohona dɔ wa aa, bɛ on lɛ, ɡel a noo, ɡɛ laa aa hɛɛ teŋɔɔ dɛɛ lɛo.
Naɡra mumpar do kɛŋɔ haa teɡɛ nee bio, waa la aa wola dɔe do kan la, teŋe a ta mɔɔ a kaa sie.
Wejereme dɛ nyiŋi kɛrɛdɛ o soɡa bini kɛ o bɛ waa dɔ. Gɛnee dɛɛ ɛ waa saɡasaɡa, o baah ɛɛ di warawara.
Gɛne mbarafo wobol taa a che wɛɛ dɔ deŋnetɛra, asɛ wejereme wobol ɡe ɛɛ leo waa ta.
Waa nee jenu ɛɛ ba, wejeremee dɛɛ bɔɔ waa bini.
Gɛne bandiaa baa na warane, kɛ nɛn waa dɔ nfɛrɛ laa liire dɛɛ kpɔ chɛɡa ta.
Doŋi bammuɡli nɛn le he jwɛh, ásɛ wobobala ne naɡra ne chɛɡa bwa tonɛ.
