Sɛɡla 18:5 - mzwDBL

⁵ Aa were kɛŋɔ bá nyiŋi nɛnchɔɡe siebɔr, dɛ́ kpɔ bolchɔɡe tɛ nɛn waa wola bolchɔɡe dii.

Sɛɡla 18:5 Referans Kwoze

Lewi Dea Tena 19:15

Hé nyiŋi dɛɛ pa waa bole aŋwɛnɛ ta. Naate ɛ nyaaraa, he bɛ o nɛɛ sune, he bɛ suuɡa te ɡe siebɔr nyiŋi. Kpɔ kasinteŋ pa he dɔŋ bole.

Sɛɡla 28:21

Siebɔr nyiŋa dɛ́ pa bole aa were, kɛ bane dɛ che komɛl tama waa dɔ di la ta, dɛ yon ɛ wechɔɡa.

Mmarare 16:19

Hɛ́ɛ bol waa kasinteŋ dɛ bɛ a sie laa dɛɛ berɛ. He bɛ nɛra siebɔr dɛɛ nyiŋi, he bɛ ɡel baa yawɛ heyaa sen, dɛkalkɛŋɔ ɡɛ dɛ berɛ waa sie, dɛ berɛ ɡel nɛn waa jemɛ waa o waa dɔ kasinteŋ la ɛɛ teŋe nyosone.

Yela 82:2

“Saŋ besoo he ɡel nɛra sie nyiŋa dɛ́ɛ pa bole ɔ? Hé ɡel nyubinikpeɡ tena nɛɛ suna bole pae ta.

Sɛɡla 24:23

Wejemwobol ane ɡee nɔ. Nɛn siebɔr nyiŋa dɛ́ bol waa dɛ́ pa bole ta aŋwɛnɛ ta ɛɛ.

Sɛɡla 17:15

Korowii hah nɛn waa dɛ pa nɛn waa wola wechɔɡa ɛɛ bolchɔɡe, dɛ hah nɛn waa pa nɛn waa ɛ wechɔɡa boldɛɛɡe ɡe.

Matiu 22:16

Anomanta, ba tomɛ ba habɔteŋra bane ne Hɛrɔd nɛra bane, ba ba o be dɛ ba ŋɔ, “Nomoa, ya jemɔ kɛŋɔ kasinteŋ ɡboo hɛɛ bol, haa nyosone teŋe. Korowii ŋwɛnɛɛ hɛɛ chaɡle nɛra kasinteŋ ne. He ta bolɛ dɛɛ ɔmɛ a habɔɔ kɛŋɔ a dɛ do bane som, kɛɛ a dɛ we bane bambile nɔ. Haa nɛra siebɔr nyiŋi dɛɛ bol wa, kɛŋɔ bɛl ɛ kooro kɛɛ nomoa kɛɛ bechala nɔ.

Aesaya 5:23

Hé bwɛɛlɛ, he banɔ la wechɔɡ-ɛɛra aa dɛ yawɛ heyaa sen hɛɛ ta ba, dɛ́ yon pa bolsom te bolchɔɡe la.

Job Tɔn 34:19

Waa koranar siebɔr nyiŋi, waa suuɡa tena kpɔe dɛɛ ɡwaa nyaara, dɛkalkɛ, onee ta ba bwa.

Maeka 7:3

Ba bwa hweli wechɔɡa dɛ jema kɛrɛdɛ. Nɛra baa bol waa dɛɛ pa bole, ne ba nomonome bwa dɛ nyin kɛ baa yaɡ ba sen. Ba ne nɛnjena kpɔ wejema ŋwɛnɛ lɛ kwaa dɛɛ le ba be.

Aesaya 59:14

Waa aa ɛ kpela ne waa aa toɡra kaa bojaŋ, a do kɛŋɔ kasinteŋ toole kpa ken.

Kaala 23:2

He bɛ nɛndamanta nɛɛ teŋɛ dɛ́ ɡee ɛ wechɔɡa. He dɛ di waane danseɛ kɔɔto aa, he bɛ nɛndamanta nɛɛ teŋɛ dɛ́ berɛ waa la sie.

Kaala 23:6

He bɛ nɛn nyae waa koh dɛ́ pao bolchɔɡe kɔɔto.

Sɛɡla 17:26

A ta maɡrɛ kɛŋɔ nɛn ɛ kɛrɛdɛ ba tɛr o deŋne, kɛɛ dɛ lɔɔ nomonome baa dɛ di kasinteŋ.

Sɛɡla 31:5

A ɡelɔ baa soh mmarare aa lɔ ba harɛre ta, baa nyaara waa bolɛ dɛɛ tɛɛ ba aŋwɛnɛ ta.

Maeka 3:9

Hé no, Israel sitɔɔla, he hah waa aa toɡra, dɛɛ berɛ waa aa ɛ kasinteŋ sie.

Kaala 23:3

He bɛ nomɛl nyae waa koh dɛ́ sune o nɛɛ kɔɔto.