Sɛɡla 18:10 - mzwDBL

¹⁰ Korowii do kɛŋɔ dejaŋ waa kpeɡa, belaa nɛra ba wa aa toɡra bwa chwa dɛɛ kaa wɛɛ lɛɛ ba.

Sɛɡla 18:10 Referans Kwoze

2 Samoɛl 22:3

Korowii maa dɛ tomɛ do kɛŋɔ Bwetal maa chwaa kaa marɛ. Onee dɛɛ tɔ mɛ ɡbemɡbe dɛ ɛ n Kpeɡnɛn. Onee n chwa baa pɛl dɛɛ dɔ n nyu, dɛ ɛ n Lɛɛ le nɛra baa dɛ nyin yoi nɔn ta.

Yela 91:2

ɛɛ won ŋɔ o be ŋɔ, “N Naa Korowii, henee cheɡɛ n habɔɔ, dɛ ɛ n danjwɛkpeɡ n chwa baa marɛ. Henee Korowii maa dɛ tomɛ, dɛɛ hwɛɡɛ he nɛ.”

Aesaya 26:4

Hé kpɔ he te dawɛ Korowii nɛɛ saŋ bɛlbwa. Onee Bwetal waa dɛ tɔ ya nɛɛ saŋ bɛlbwa.

Yela 144:2

Onee Korowii waa do kɛ danjwɛjen, dɛɛ nyin n waa n chwa baa marɔ. Onee dɛɛ tɔ n nɛ, dɛɛ tɔ mɛ ɡbemɡbe, n chwa baa sɔh o lɔɡa. O ba harɛre nɛra ne harɛ, asɛ ba do n lɔɡa.

Yela 27:1

Korowii do kɛ kandea dɛɛ chaah mɛ, dɛ ɛ n Lɛɛ, maa nomɛlbwa ɔmɛ. Korowiirii ɛ n Kpeɡnɛn n chwa kaa marɔ, maa ɔmɛ bwa.

Yela 18:2

N Naa Korowii, he do kɛŋɔ Bwetal, maa chwaa kaa marɛ, ne danjwɛkpeɡ hɛɛ lɛɛ mɛ. Korowii maa dɛ tomɛ, he do kɛŋɔ Bwetal, maa chwaa kaa marɛ. Henee dɛɛ tɔ mɛ ɡbemɡbe, dɛ ɛ n kpeɡnɛn.

Mumpar 17:1

Abram aa di bene fifraanuanaarɛ dɛ anuanaarɛ la, Korowii ba o be deera ta dɛ ba ŋɔ o be ŋɔ, “Menee Kpeɡri Bwa Dɔɔ la. Dɛɛ no n wa, dɛɛ ɛ waa aa toɡra.

Wepila 1:8

Nemenɛ Korowii Waa Ɛ Kpeɡri Bwa Dɔɔ dɛ do le saŋ la dɛ ba le fini, dɛɛ ba le doe saŋ bɛlbwa la, o ŋɔ, “Menee komɛlbwa Mumpar ne a Jaɡa.”

Matiu 1:23

“Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.” O munii kɛŋɔ, “Korowii ne ya lole.”

Aesaya 9:6

Ba lolɛ bie tɛ yaa, bibaalee. Onee dɛɛ ba harɛ nɔ bwa kooro ɛɛ, baa yerɔ Nyokponɛn, ne Nomondɛɛɡe Waa Won Nɛra Jae, ne Nemenɛ Korowii, ne Saŋ Te Bɛlbwa Mɛɛ, dɛ Deŋnesɔɔhna Kooro.

1 Samoɛl 30:6

Devid bambile chɔɡɔ kɛrɛdɛ, dɛkalkɛ dɛ a dɛ we o laa tena la nɛɛ kɛŋɔ baa lawɛ ba bii kaa la, asɛ dɛɛ nyin ba foɡre Devid bwea kpo. Kɛ Korowii waa dɛ tomɔ la doo ɡbemba.

Jeremia 23:6

O baa di kora aa, Juda tena ɛɛ dɔ bosɔɔhnaa, ásɛ Israel tena ɡe so deŋnesɔɔhna ta. Sɔn baa dɛɛ yerɔ laanee, ‘Korowii Waa Dɛ Lɛ Yaa.’

Yela 91:14

Korowii ŋɔ, “Mɛɛ lɛ nɛra baa dɛ nyin mɛ laanee, dɛ́ kpɔ nɔn tɔ nɛra baa jem mɛ kɛ ba dɔɔree men la nɛ.

Habakuk 3:19

Nemenɛ Korowiirii n kpeɡri, o ɡelɔ n nakpale do kɛŋɔ chwae kwaa ken, n won bwejena dor vala. N chwerɛ waa nɔ ka tɛ yela nomoa ó kpɔ o janjela ne kwaa aa do ɡɛ la lɔa.

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

2 Samoɛl 22:51

He ɡelɔ kooro haa leo cheɡ tɛ he te la yo lajena, dɛ pɔ o dɔma nɛ, dɛ kpɔ he nyina aa wola jaɡa dɔe nyin nɛn haa fuɡe noo do o nyu ta, dɛ tɛ men Kooro Devid ne n naanar saŋ bɛlbwa dɛɛ la.”

Mumpar 32:11

N dɛ soŋe kɛŋɔ he lɛɛ mɛ le n dɔɔ Esɔ nɔn ta. N dɛ ɔmɛ kɛŋɔ o bɛ yaa ba yo, dɛ́ kpoo n ne n haahna ne bii bwa.

Kaala 6:3

Men kpɔ n te baɡle Abraham ne Aesek dɛ Jekɔb kɛ Menee Kpeɡri Bwa Dɔɔ la. Kɛ n ta ɡelɛ ba jemɛ n sɔn waa do ɡoroŋ la te.

2 Samoɛl 22:2

O ŋɔ, “N Naa Korowii do kɛŋɔ Bwetal maa chwaa kaa marɛ, ne danjwɛkpeɡ dɛɛ lɛɛ mɛ,

Sɛɡla 14:26

Baa waa dɛ ɔmɛ Korowii bwara dɛ sɔɔhno. Wɛɛ kpɔ nɔnee tɔ o haah ne bii nɛ.

Sɛɡla 29:25

Nɛwɛnyini ɔma do kɛŋɔ bel ken, nomɛlbwa waa dɛ yarada Korowii la, dɛ́ dɔ o nyu.

1 Samoɛl 17:45

Anee Devid ŋɔ Goliat be ŋɔ, “Kere ne lampeaa he kpoŋe dɛɛ ba ba yoo mɛ, kɛ n te Korowii Waa Ɛ Koranar Bwa Kooro wɛɛ teŋɛ Israel laa tena nɛɛ he nyiŋu dɛɛ vah la sɔn nee mɛɛ ba dɛ́ ba yoi.

Yela 20:2

Ó che o Dea bela dɛ́ chae, ó tɛɛ kpeɡri le Saayɔn Bwejen ta.