Sɛɡla 17:11 - mzwDBL

¹¹ Nɛnchɔɡe waa dɛ nyin deŋnekpeɡ we-ɛɛla ɡbo la nɛn waa wola nɛn sum naa baa tomɛ o be.

Sɛɡla 17:11 Referans Kwoze

2 Samoɛl 18:15

Asɛ Joab laa tena la fi den ba lɔ tɔ Absalɔm nɛ dɛ kpoo.

1 Koranar 2:46

Asɛ kooro yerɛ Bɛnaya ŋɔ ó ba lawɛ Simei le buse dɛ́ ka kpoo. Ásɛ name te kora la che Solomɔn nɔn ta kiŋkiŋ ken.

Amanesoma Luk Aa Chwera Tɔn 19:27

N dɔma la baa ŋɔa baa men nyin kɛ n ɛ ba kooro la ɡe, hé laɡ ba ba n siwi ta bonɔ dɛ́ ba kpoo ba!’ ”

Matiu 22:7

A ɛ kooro la bandia kohona dɛ ɡel o tomɛ o soojare ba ka kpoo banɔ la baa kpoo o bonɔɔna la, asɛ dɛ fuh ba bwɛjen la ɡe.

Matiu 21:41

Anee ba chaŋo ŋɔ, “O balaa, wɛɛ ba kpoo nɛnchɔɡa la bwaa, dɛ́ kpɔ koo la tɛ nɛnfala, banɔ la dɛ ba komɛ daa nɔna la aa, baa dɛ ba on o dibɔr tɛɛ.”

1 Koranar 2:31

Anee kooro ŋɔ Bɛnaya be ŋɔ, “Ɛ ɡɛ waa bola la, kpoo dɛ́ huɡo ásɛ dɛ laa nɛra Joab aa kpoo ba pɛɛpɛɛ la waa kpɔ le n ne n mɛɛ nɛ.

2 Samoɛl 20:22

Ate, haah la kpɔ o liire waa ba a ne la tɛ nɛra la bwa, asɛ ba sɛh dɛ teŋe Seeba nyu dɛ kpɔ viɡru. Belaa o hoh bɛla la, asɛ o laa tena la bwa peɡre le bwɛjen la ta, asɛ bɛlbwa kaa o dem. Asɛ Joab ɡe berɛ kaa kooro be Jerusalam.

2 Samoɛl 20:1

A balɔ kɛŋɔ Bikri bibaa Seeba lɔ Gelɡal harɛ, o le Bɛnjamen dea. Dɛ o dɔ dichɔɡa o nyu bini. O hoh bɛla dɛ ŋɔ, “Ya ta dibɔr bɛlbwa dɔe Kooro Devid be, yaa Jese bibaa nɛɛ teŋɛ! Israel baa bɛlbwa berɛ kaa dem.”

2 Samoɛl 18:19

Belaa sɔfo Sadɔk bibaa Ahimas ŋɔ Joab be ŋɔ, “Gel n chwa la ka ŋɔ kooro be ŋɔ Korowii lɛo le o dɔma nɔn ta.”

2 Samoɛl 15:12

Absalɔm aa kpoo kwaa dɛɛ ɛ saraha la, o ɡe tomɔ ŋɔ bá ka yerɛ Ahetofɛl waa ɛ Gilo te la ó le o bwɛɛ Gilo ba. Dɛ o ɛ nɛn waa dɛ ja Kooro Devid la bini bɛl. Dɛ Kooro vɔrɔwa Absalɔm aa dɛ vɔrɔwe la waa wer kɛrɛdɛ, asɛ nɛra warɛ dɛɛ teŋɛ o nɛ.

Sɛɡla 17:10

Nɛn waa jemɛ wa dɛ́ hweli waa dɛɛ le webeŋkpoŋ haa bol baɡlo ta la, ɡwaa ɡɛne baa chao chweema kera lafa.

Sɛɡla 17:12

He cheme sisire baa pa o bii kaa bɔ ɡɛne waa lɔ o ɡɛne we-ɛɛla ta.

Sɛɡla 24:21

N bie, dɛɛ ɔmɛ Korowii ne he kooro, he ne nɛra baa dɛ ɛɛ ba deŋnekpeɡ bɛ pɛ dɛ́ ɛ beŋkpoŋ.