Sɛɡla 16:24 - mzwDBL

²⁴ Wobodɛɛɡa do kɛŋɔ tohnoo ken, a som nyoa ta dɛɛ tɛ bokpeɡa ɡe.

Sɛɡla 16:24 Referans Kwoze

Sɛɡla 12:18

Nɛra baa dɛ bol waa baa wola liire a ta do la, ba wobol dɛ we kɛŋɔ nii ken, wejereme wobol dɛ larawe bwara.

Sɛɡla 4:22

A ɛ mkpa dɛ tɛ banɔ la baa dɛ no a mun, dɛ berɛ dɛɛ tɛɛ ba bokpeɡa.

Sɛɡla 3:8

Dɛ he teŋɛ a ta naa, aa ɛo kɛŋɔ tɛɛɡa, dɛ́ do he bwara bini dɛɛ chaeh.

Sɛɡla 23:16

Aa do n somee kɛ maa noa kɛ he dɛ bol waa aa toɡra.

Sɛɡla 27:9

Konsɔɔhsoma sɔɔh ɡelɔ nɛn sie ɛɛ lɛ, ɡɛɛ dansom tenten ɡe liire waa tɛɛ la do.

Yela 119:103

He waa la som n be kohona, a som dɛ ɡwaa tooh kwara.

Yela 19:10

O waa bola dɛ́ pa bole dɔ tɔnɔ, dɛ ɡwaa suuɡaswɛm tenten, a torodi dɛ ɡwaa tohno baa wola komɛlbwa a ta koore.

Jeremia 15:16

Korowii Waa Ɛ Kpeɡri Bwa Dɔɔ, haa bol waa n be la, n cheɡ deŋne dɛ́ noa. A ɛɛ mɛ silɛɛ n bambile lawa, dɛkalkɛ henee dɔɔ mɛ.

Sɛɡla 15:26

Korowii kii nɛnchɔɡa liire, nɛndɛɛɡa liiree dɛɛ lɛ o sie.

Mmarare 32:2

N webaɡla ɛɛ ba he bee kɛŋɔ bwaala aa dɛ wiri, n wobol do kɛŋɔ chɔɔlen mɛn, ne bwaala wira waa ɡela kpɔɡa ɛɛ le la.

Sɛɡla 15:23

He chaŋe waa aŋwɛnɛ ta naa, a dɛ ba silɛɛ ne dɛɛ tɛɛ. Waa bola a saŋ ta wer ɡa.

Yelsom 4:11

N sɛnodɛɛɡe, he nyoa nee som kɛ tohnoo ken, wobosoma lɔ he nyoa, he yale sɔɔh som kɛŋɔ Lɛbanɔn yale.

Sɛɡla 17:22

Silɛɛ dɛɛ tɛ bokpeɡa, asɛ lokua ɡee sɔɔh nɛn.

Wejereme 12:10

O takapɔ ŋɔ wɛɛ dɔ bolarawa wobolee, kɛ o waa waa chwera la a ɛ kasinteŋ dɛ do wer.

Wepila 10:10

Asɛ n lɛ tɔnjeɡa la le o nɔn ta, dɛ kpɔ chwe, o do som n nyoa bini kɛŋɔ tooh ken. Maa lilo la, o berɔ do kpeli n tea bini o ɛɛ mɛ haŋŋ ken.