Sɛɡla 15:8 - mzwDBL

⁸ Korowii kii nɛnchɔɡa saraha, o dɛ no nɛra ba wa aa toɡra wesoŋa.

Sɛɡla 15:8 Referans Kwoze

Sɛɡla 15:29

Korowii ne wechɔɡ-ɛɛ baah jaŋne, o dɛ no nɛn o wa aa toɡra wesoŋa.

Sɛɡla 21:27

Korowii kii nɛnchɔɡe saraha, n baa bol kɛŋɔ haa kpɔ liichɔɡa ɛa.

1 Webena 29:17

N jemɔ kɛŋɔ bambile binii hɛɛ nyiŋi, he sie ɛɛ lɛ nɛra ba wa aa toɡra ta. Anɔ bwa, n ta n bambile dɛ kpɔ tɛɛ. N berɔ na silɛɛ he nɛra baa lɔ bonɔ ɡe aa dɔa, dɛ le ba bambile ta, dɛ kpɔ kwaa ba tɛɛ.

Jeremia 6:20

N waane laa daawiile baa le ane Seeba harɛ dɛɛ ba, kɛɛ kalamus a sɔɔh aa soma baa le a ne bojaŋ harɛ ta dɛɛ ba la. Maa saraha kwaa haa dɛ fuah la nyin, n sie aa kwaa haa kpoora dɛɛ tɛ mɛ ta lɛ.

Sɛɡla 28:9

Dɛ he vɛh Mmara ta teŋa aa, Korowii kii he wesoŋa.

Aesaya 61:8

Korowii ŋɔ, “N dɛ nyin waa bola dɛ́ pa bole aŋwɛnɛ ta, n kii ŋwɛɛ ne wechɔɡa ɛɛ. Mɛɛ tɛ n nɛra kembɔree kasinteŋ ta, n ne ba fɔwɛ fɔo, o do le saŋ bɛlbwa.

Amanesoma Jɔn Aa Chwera Tɔn 4:24

Korowii ɛ lileo. Anomanta, dɛ ya dɛ tomɔ waa, yá che o Domadɛɛɡe kpeɡri ta dɛ́ kpɔ kasinteŋ dɛɛ tomɔ bambile bini.”

Wejereme 5:1

He dɛ la Korowii Dea aa, nyiŋi he vala bini kɛrɛdɛ. Do sie no o waa kɛrɛdɛ, dɛ́ ɡwaa ɡɛna saraha ba yon dɛɛ ɛ, baa wola jemɛ kɛ ba dɛ ɛ wechɔɡa la.

Aesaya 66:3

Gɛ nɛra la dɛ ɛ waa aa too ba tea. Ba kpo nao ɛ saraha tɛ mɛ naa, a do kɛŋɔ baa kpo nɛn ken, a do kɛŋɔ baa kpo nyoate. Gɛɛ nomɛlbwa waa ɛ mea saraha la, a do kɛŋɔ parakoo chal, bɛlbwa fuh daawiile ɡe aa, a do kɛŋɔ waa dɛ tu voɡa. Kwaa maa kia la taa ba sie ɛɛ lɛ.

Yelsom 2:14

He do kɛ bilo waa kaa sɔh bwebɔɔ bini. N dɛ nyin he wer haa doa la dɛ na, ɡel ń no he taa waa soma la.

Yela 17:1

N Naa Korowii, no nɛn n wa aa toɡra nɔ wesoŋa, no n wii maa dɛ wi nɔ. Ken deŋne dɛ́ no n wesoŋa, nyosone laa mɛɛ teŋe.

Lewi Dea Tena 7:18

Nomɛlbwa waa di ɡɛ saraha ol waa di tɔpera atoro nɔ la, maa o saraha waa baa ɛ la lɛɛ ba. Dɛ aa were dɛɛ su men Korowii siwi kpa. N kia. Waa naate aa koh a waa ba ɛ saraha la berɔ dawɛ o nɛ. Nomɛlbwa waa di ɡɛ ol nɔ la ɛɛ dɔ deŋnetɛraa.

Sɛɡla 10:24

Waa nɛnchɔɡe aa dɛ ɔmɛ la, a dɛ ba o nɛ, kɛ nɛn o wa aa toɡra te, dɛ́ dɔ kon waa dɛ nyin.

Sɛɡla 15:7

Wejerema wobol dɛ tɛ wejema, Gɛne wobolee wola won wobɛlbwa tɛ.

Sɛɡla 21:3

We-ɛɛla aa wera dɛ toɡre, dɛ su Korowii siwi ɡwaa kɛŋɔ haa ɛ saraha tɛo.

Maeka 6:7

Ń kpɔ pebala kaɡboŋa ne ɔleve noo aa wara dɛɛ palɛ kɛŋɔ moo ba tɛ Korowii aa? O sie ɛɛ lɛ n nɛɛ yaa? Kɛɛ ń lawɛ n biloɡle, ba bɔ n wechɔɡa maa ɛa kem ɔ?

Haɡae 2:14

Ate, Haɡae berɛ ŋɔ, “Korowii ŋɔ, ɡɛ tentenee nɛra baa lɔ ɡɛ harɛ nɔ ta ne wobɛlbwa baa dɛ ɛ bwa do, waa an lɛ. Komɛlbwa baa kpɔa dɛɛ ba kon baa dɛ ɛ saraha o ta la kah doŋa.”

2 Samoɛl 15:12

Absalɔm aa kpoo kwaa dɛɛ ɛ saraha la, o ɡe tomɔ ŋɔ bá ka yerɛ Ahetofɛl waa ɛ Gilo te la ó le o bwɛɛ Gilo ba. Dɛ o ɛ nɛn waa dɛ ja Kooro Devid la bini bɛl. Dɛ Kooro vɔrɔwa Absalɔm aa dɛ vɔrɔwe la waa wer kɛrɛdɛ, asɛ nɛra warɛ dɛɛ teŋɛ o nɛ.

1 Koranar 3:10

Kooro Solomɔn wesoŋa la too Korowii tea.

Yela 141:2

No n wesoŋa kɛŋɔ daawiile baa dɛ fuah a sɔɔh do som. Lɛ n nɔɔra maa ɡɔɔra dɛɛ soŋe nɔ, ɡɛ haa dɛ lɛ jɔmɔr saraha la.

Daneɛl 9:23

Gɛ saŋ haa dena pa mun dɛɛ soŋe Korowii la, o no he wesoŋa la, asɛ n ŋɔ ń ba bol he be, dɛkalkɛ Korowii dɛ nyin he waa taeh. Anomanta, cheɡ deŋne kɛrɛdɛ no wepila maa dɛ ba a mun baɡla tɛɛ nɔ.

Maeka 6:6

Bɔkwaa mɛɛ ba kpɔe ba Korowii waa dɛ di kora nyundua sie ba tomɔ wɔ? Ń kpɔ nabiiri aa di benanyoa ba fuah ɛ saraha o sie naa?

Malakae 1:10

O berɔ ŋɔ, “N dɛ nyin kɛ he sɔfore la bini bɛl fee tɔɔɡe men Korowii Dea ɡbeni, bela haa joa dɛ kaa ɛ saraha la, ásɛ he bɛ won jo ka choŋi nii saraha kon la ta ɛ sarahasale. N sie aa he nɛɛ lɛ, maa he nɔn ta saraha kon bɛlbwa ɡee lɛ.