Sɛɡla 15:33 - mzwDBL

³³ Nɛn waa dɛ ɔmɛ Korowii la dɛ jemɛ wa, he ta he te pwɛraa, haa jirima dɔ.

Sɛɡla 15:33 Referans Kwoze

1 Pita 5:5

He bonɔɔna ɡe la, hɛ́ɛ tɛ he nomonome duure. Hé bwa pwɛr he te dɛɛ tɛ dɔŋa, dɛɛ cha dɔŋa, dɛkalkɛŋɔ Korowii Tɔn bolɔ ŋɔ, “Korowii ne mbarafo tena aa jo, kɛ o dɛ sune nɛra baa dɛ pwɛr ba te nɛɛ dɛɛ cha ba.”

Sɛɡla 18:12

Maŋkurae nɛn aa dɛ maŋkura o te laanee dɛɛ ba o harɛ lɔe ne, pwɛra waa dɛ pwɛr o te ɡe ɛɛ tɛo jirima.

Sɛɡla 1:7

Wejema mumparee Korowii ɔma. Gɛna ɡboo dɛɛ vɛh wejema, ne waa baa dɛ do ba a ta.

Jems 4:10

Hé pwɛr he te tɛ Korowii. Wɛɛ ɡɔɔ heyaa.

Yela 111:10

Korowii ɔmaa dɛɛ ba ɡela he dɔ wejema. Nɛra baa dɛ teŋɛ o waa ta la, o ɡelɔ baa no waa mun kohona. Onee chɛ kpɛɛra saŋ bɛlbwa dɛɛ la.

Sɛɡla 29:23

He dɛ maŋkura he te naa, harɛɛ hɛɛ lɔ, kɛ he pwɛr he te naa, he dɛ dɔ duure.

Yela 34:11

N bii, hé ba dɛ́ ba cheɡ deŋne no n be, mɛɛ baɡle heyaa ɡɛ haa kpɔ duure tɛ Korowii.

Job Tɔn 28:28

Asɛ Korowii ŋɔ nɛwɛnyini be ŋɔ, ‘N ɔmaa dɛɛ ba ɡela hé dɔ wejema, he ki wechɔɡa ɡe aa, anee waa mun noe.’ ”

Amanesoma Luk Aa Chwera Tɔn 14:11

Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa dɛ pwɛr o te la, Korowii ɛɛ ɛo nɛnjenii.”

Sɛɡla 8:13

Nomɛlbwa waa dɛ ɔmɛ Korowii kii wechɔɡa, anomanta, n kii mbarafo ne maŋkurae we-ɛɛla, ne wechɔɡa ŋwɛnɛre, dɛ nyosone.

Sɛɡla 1:2

Waa aa lɔ sɛɡla la taa kɛ, nɛra che a ta dɛ́ dɔ wejema, ne ɡɛ baa lawɛ ba te, á cha ba bá won dɛɛ no waa a mun noe aa kpeɡa mun.

Sɛɡla 15:32

Nomɛlbwa waa wola jae no la ta o nyu, kɛ nɛn waa dɛ no jae la, o dɛ no waa mun.

Sɛɡla 16:1

Nɛwɛnyinii dɛɛ maɡle wa, asɛ Korowii ɛɛ baɡle ɡɛ haa bola a do wer.

Ɛsta 2:15

Aa tela kɛ Mɔdekae mɛnjen Abihel bie Ɛsta waa kpɔɔ berɛ o ɡbaɡba bie la kooro be la, o ta laala ne komɛlbwa soŋɛ ka ja anɔ la Heɡai waa dɛ nyiŋi kooro haahna nɛɛ la aa ŋɔa ŋɔ a wer tɛo la. Nomɛlbwa ɡe waa na Ɛsta la, dɛ o dɛ nyin o wa.