Sɛɡla 15:29 - mzwDBL

²⁹ Korowii ne wechɔɡ-ɛɛ baah jaŋne, o dɛ no nɛn o wa aa toɡra wesoŋa.

Sɛɡla 15:29 Referans Kwoze

Amanesoma Jɔn Aa Chwera Tɔn 9:31

Ya jemɔ kɛŋɔ Korowii deŋna toole wechɔɡ-ɛɛra be. O deŋna lɔ banɔ la baa dɛ duuru dɛɛ ɛ waa waa dɛ nyin la be.

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

1 Pita 3:12

A do ɡɛ, dɛkalkɛ nɛra ba wa aa toɡra dɛɛ su Korowii siwi la, Korowii dɛ nyiŋ ba, dɛɛ no ba wesoŋa. Kɛ nɛra baa dɛ ɛ wechɔɡa te, o ne baa jo.”

Yela 138:6

A lole kɛŋɔ he lɔ nyundujaɡla dɛɛ nyiŋi nɛŋɡwɛɡra nɛ, kɛ mbarafo tena te, he dɛ na ba.

Matiu 25:46

Banɔ te ɛɛ kaa weweele aa wola jaɡa dɔe bwa la taa, ásɛ wedɛɡ-ɛɛra la te dɔ Korowii mkpa aa wola jaɡa dɔe bwa la.”

Yela 73:27

Nɛra baa berɛ habɔɔ kpoe la bwa ɛɛ serewoo, ɡɛɛ nɛra baa wola he waa ta teŋɛ la, hɛɛ ba ɡela ba ɡe serewe.

Yela 18:41

Ba wio dɛɛ nyin lɛɛ, kɛ nomɛlbwa toole, ba wio no hen Korowii, he ta ban chaŋɛ.

Yela 10:1

N Naa Korowii, ɛrɛɛ n ne he baah do jaŋne ken nɔɔ? Ɛrɛɛ waa puu mɛ, he sɔɔh mɛ nɔɔ?

Job Tɔn 35:13

Kasinteŋ, Korowii aa soŋa baa dɛ soŋo ba wesale ta no, On Waa Ɛ Kpeɡri Bwa Dɔɔ la aa deŋne cheɡɛɛ dɛɛ no ba be.

Sɛɡla 1:28

belaa hɛɛ ba men maa dɔ wejema nɔ yera, ásɛ n mwaa he bwa ne. Hɛ́ɛ ɡaaɡoo dɛɛ nyin n bɔr bobɛlbwa yalayala ken, kɛ haa men na.

Sɛɡla 15:30

Dɔŋa be mama dɛ́ ba silɛɛ ne, asɛ amanesoma ɡe ɛɛ ba bokpeɡa ne.

Aesaya 59:2

He wechɔɡaa tɔ heyaa ŋwɛnɛ, a do kɛ waa he be no la, anee pere he ne o baah he dɛ soŋo waa, waa wola chaŋe, dɛ kpɔ o te dɛɛ sɔh heyaa la.