26 Korowii kii nɛnchɔɡa liire, nɛndɛɛɡa liiree dɛɛ lɛ o sie.
Jerusalam tena, hé ɡel wechɔɡa ɛɛ ásɛ Korowii lɛ heya. Saŋ besoo hɛɛ ba he nyubinikpeɡ vɔrɔwa nɔ ɡela ɔ?
He chaŋe waa aŋwɛnɛ ta naa, a dɛ ba silɛɛ ne dɛɛ tɛɛ. Waa bola a saŋ ta wer ɡa.
N Naa Korowii, ɡel n nyoa wobol, ne n liire ɛɛ lɛ he sie, henee n Lɛɛ, dɛ do kɛ Bwetal maa chwaa kaa marɛ.
Wobol aa wera su n nyoa, mɛɛ ba kpɔe ɡo yel tɛ kooro. N nyoa wobol do kɛŋɔ, kon nɛn waa jemɛ chwera kɛrɛdɛ, aa kpoŋa dɛɛ chwerɛ.
Liichɔɡa ne nɛŋkpoa, ne jwamane ne ŋwɛɛ wa, ne nyosone teŋa ne nɛra ŋwala, dɛ anɔ aa jaa bwa, bambile binii a le.
Gɛne wemaɡla bɛlbwa ɛ wechɔɡa, asɛ nɛn bɛlbwa ɡe hah bammuɡli nɛn.
Nɛn waa dɛ ɛ mbarafo la, Korowii dɛ chɔɡ o dem, dɛ kpɔ nɔn dɛɛ tɔ luhaahna kwaa ta.
Nɛn waa dɛ nyin kafo la kpɔ waa dɛɛ ba o ne dem tena nɛ, kɛ nɛn waa kia kɛ ba yawɔ sen la ɛɛ so lee.
Wobodɛɛɡa do kɛŋɔ tohnoo ken, a som nyoa ta dɛɛ tɛ bokpeɡa ɡe.
Korowii kii nɛn o liire aa wola were, o sie dɛ lɛ nɛn o we-ɛɛla aa wera nɛ.
