Sɛɡla 15:20 - mzwDBL

²⁰ Bechawejereme ɡelɔ o mɛɛ baŋa ɛɛ pa, kɛ biɡɛne te hah o nya, dɛɛ nyiŋi o nyubaah.

Sɛɡla 15:20 Referans Kwoze

Sɛɡla 29:3

Nomɛlbwa waa dɛ nyin wejema la, o mɛɛ sie dɛ lɛ, kɛ nɛn o ne haahna baa dɛ bɔ jwamane nyoa aa pɛa la, dɛ he o kondɔɔh.

Sɛɡla 10:1

Kooro Solomɔn sɛɡlaa teŋa nɔ. Bechawejereme ɡelɔ o mɛɛ baŋa ɛɛ pa, kɛ bechaɡɛne te ɡelɔ o nya loo ɛɛ ku.

Sɛɡla 23:22

Dɛɛ no he mɛɛ deŋna wa, onee lolɛ, he nya ɡe baa hwɛɛhraa, bɛ on nyiŋi vah.

1 Koranar 5:7

Kooro Hiram aa no Kooro Solomɔn kala nɔ la, o sie lɛo kohona o ŋɔ, “Fini, Korowii chɛ kpɛɛra kɛŋɔ waa tɛ Kooro Devid bibaa waa jemɛ waa ŋɔ ó nyiŋi Israel harɛ damanta nɔ ta nɔ.”

1 Koranar 1:48

‘Korowii Israel tena aa dɛ tomɔ laanee chɛ kpɛɛra kɛŋɔ waa ɡela n na n bibaa Solomɔn o ba chiɡ n naa ta dɛɛ di kora fini nɔ.’ ”

Lewi Dea Tena 19:3

He bini bɛlbwa chɛ kɛ wɛ́ɛ duu o nya ne o mɛɛ, ásɛ dɛɛ di n Ona Tɔpera maa kpɔa tɛ heyaa la. Menee Korowii haa dɛ tom mɛ la.

Felepae 2:22

He ɡba jemɛ ɡɛ o waa aa dɔ kasinteŋ dɛ do wer. N ne o pɛo wɛɛ cha mɛ Amanesoma toma la ta kɛŋɔ bechala ne o mɛɛ.

Sɛɡla 30:17

Nɛn o siwi aa wola o mɛɛ tɔɡɛ wɛɛ mamɔ, dɛ berɛ nyiŋi o nya dɛɛ vah la, ɛɡreree dɛ́ foromi o sibie, ásɛ kokosakire di o ola.

1 Koranar 2:9

Kɛ a ta chɛ kɛ he ɡelo o kaa bosɔɔhna ne, he jemɛ waa ɡa. Na ɡɛ háa ɛ ásɛ o sewɛ.”

Kaala 20:12

Hé duu he nyare ne he mɛɛnanar. Anee dɛ́ ɡel he dɔ mkpajaŋ harɛ men Korowii aa kpɔa tɛ heyaa ŋɔ he so o ta la ta.

Sɛɡla 13:1

Bechawejeremee dɛɛ no waa o mɛɛ aa dɛ doo a ta, kɛ deŋnekpeɡ te te, waa o wechɔɡa sɛh.

Sɛɡla 15:19

Bɔhwaah soɡa bini do kɛŋɔ, waa dɛ valɛ sɔɔhne ta, kɛ he waa toɡraa, he ŋwɛnɛ wer.

Sɛɡla 23:24

Nɛn o wa aa toɡra mɛɛ sie dɛ lɛ, nomɛlbwa waa lolɛ biwejereme la, sie dɛ lɛ o nɛ.