Sɛɡla 15:15 - mzwDBL

¹⁵ Nɛra baa lɔ wahala ta la soɡa bini aa were, kɛ nɛra ba sie aa dɛ lɛ la, do kɛŋɔ baa dɛ di kondikonjena saŋ bɛlbwa ken.

Sɛɡla 15:15 Referans Kwoze

2 Kɔrent 6:10

Ba dɛ ɛ yaa tebinichɔɡ wa, kɛ saŋ bɛlbwa dɛ ya lɔ silɛɛ ta. Ya ɛ nyaara, kɛ ya won nɛra chae kohona. Ya ta komɛlbwa dɔe, kɛ yan ɡee komɛlbwa.

Tɔn Pɔɔl Aa Chwerɛ Rom Tena 12:12

Haa dɔ hwɛɡa nomanta, hé ɡel he sie lɛ. Wobɛlbwa pu heya aa, hé lawɛ bambile. Hé swɛɛ siwi dɛɛ soŋe Korowii saŋ bɛlbwa.

Sɛɡla 15:13

Nɛn sie lɛo waa, o dɛ mamɛ, o loo kuu tenaa, o bambile dɛ chɔɡ.

Sɛɡla 17:22

Silɛɛ dɛɛ tɛ bokpeɡa, asɛ lokua ɡee sɔɔh nɛn.

Tɔn Pɔɔl Aa Chwerɛ Rom Tena 5:11

A ɡbo laa. Ya sie lɛ Korowii nɛɛ kohona ya Dɔɔ Yeesu Kristo nomanta. O nɛɛ a che ya ne Korowii pɛ.

2 Kɔrent 1:5

Gɛ yaa ja Yeesu Kristo nɛɛ dɛ na wahala kohona la, ɡɛ tentenee a che o nɛɛ ya dɔ bɔlarawa ɡe kohona.

We-ɛɛla 16:25

Harambaŋa la, dɛ Pɔɔl ne Silas dɛ soŋe Korowii dɛ ɡo yela dɛɛ kpɛɛ Korowii, asɛ nɛra baa do ba dea ja ba nɛɛ la ɛɛ no ba be.

1 Pita 4:13

Hé ɡel he sie lɛ kɛŋɔ haa dɛ na Yeesu Kristo wenaale dɔŋa nɔ, ásɛ awola haa ba na o jirima waa dɔa la, he sie lɛ, he bwara sɔɔh heyaa kohona.

Sɛɡla 16:22

Wejema do kɛ bule dɛɛ tɛ wejereme mkpa, asɛ ɡɛne ɡe deŋnetɛra ɛɛ leo o ɡɛnewaa ta.

2 Kɔrent 1:12

Webeŋkpoŋii ɡela ya baŋa pa. Anee kɛŋɔ yaa wonoo ŋɔ bambile bwa ne kɛŋɔ wobɛlbwa yaa ɛa harɛ bonɔ la, tepoŋ ne bambile bwa nee ya ɛa Korowii ŋwɛnɛ ta, a laa kɛ waa yaa ɛa he be la. Korowiirii sune ya nɛɛ dɛ cha yaa ya ɛa. Harɛ bonɔ wejema ne laa ya ɛa.

Mumpar 47:9

Anee Jekɔb chaŋe ŋɔ, “Bene maa kpɔa dɛɛ ɡaaɡe la lɔ lafa fifraatoro, a kwaraa la dɛ a kpeɡri tɛ mɛ. A ta n naawa bene baa dia ba ɡaaɡa bini dɛ so biɡri la tele.”

Mumpar 37:35

Asɛ o bii ne o lolanar bwa ba dɛ ba larawe o bwara. Kɛ o ta larawa la noɛ dɛ ŋɔ, “N wii nɔɔ dɛ́ kpɔ mɛ kaa n bie be lalabwɛ.” Anomanta, o wi o bie la kɛrɛdɛ.

Sɛɡla 15:14

Nɛra baa dɔ liire la pɛlaa dɛɛ lawɛ kɛŋɔ ba hweli waa dɛɛ ja, ɡɛnee dɛɛ do sie ɡɛnewaa ta.

Sɛɡla 15:16

He dɛ ɔmɛ Korowii dɛ dɔ kwaa tama, bɔ kɛŋɔ haa dɔ kwaa kohona dɛɛ dɔ wa.