33 Nɛn waa dɔ liiree dɔ wejema, ɡɛnee wola wejema liire dɔe.
Gɛne bandiaa baa na warane, kɛ nɛn waa dɔ nfɛrɛ laa liire dɛɛ kpɔ chɛɡa ta.
Hale o kpɔ ŋwɛnɛ ta dɛɛ kaa kwaraa naa, o ta liire bɛlbwa dɔe, a ɡel nɛra bwa na o ɡɛna waa ɡɛna.
Gɛnee dɛɛ baɡle o bandia nɛra baah ta, wejeremee dɔ bambile dɛ won o te lawa.
Nɛn o wa aa toɡraa yon dɔ haŋra waa ta mɔɔ dɛɛ chaŋe, kɛ nɛnchɔɡee yon too wobochɔɡa ɛɛ le o nyoa.
Wejereme bɛlbwa dɛ lii waa mɔɔ dɛɛ ɛa, kɛ ɡɛne te ɡelɔ baa na o ɡɛna.
Wejereme dɛ tɔ o wejemwaa ta, ɡɛnee dɛɛ pili o ɡɛnewaa ta dɛɛ tɛ nɛra.
Wejereme wobol ɡelɔ wejema ɛɛ dɔ pɛla, ɡɛne ɡee dɛɛ bol waa warawara, wejema aa wola toole a ta.
He sie ɛɛ piluu, ásɛ he wejema ɡel he sie lɛ.
Wechɔɡ-ɛɛ we-ɛɛlaa dɛɛ ba o chɔɡa ne, nɛn o wa aa toɡra dɔ hwɛɡa, hale seo ta.
Harɛ bɛl ɛɛ dɔ sɔnee yaa, dɛ a cheɡɛ toɡra o nɛra aa toɡra ta, wechɔɡaa ɛ sihiih tɛ harɛ bɛlbwa nɛra.
