Sɛɡla 14:29 - mzwDBL

²⁹ Nɛn o baah aa wola di warawara la, o dɛ no waa mun taeh, kɛ nɛn waa wola bambile dɔe la, o dɛ maŋkura o te ɡɛna ta.

Sɛɡla 14:29 Referans Kwoze

Jems 1:19

Yabala, hɛ́ɛ lii waa nɔ aa teŋa nɔ. Hé ɡel he sie beɡre waa noe ta, dɛ́ nyiŋi kɛrɛdɛ mɔɔ dɛɛ bol wa, ásɛ dɛ bɛ ɡel he baah ɛɛ di warawara.

Wejereme 7:9

Bɛ ɡel he baah ɛɛ di warawara, ɡɛnee lɛ o dɔŋ waa dɛɛ do o bini.

Sɛɡla 14:17

Nɛn o baah aa wola biɡri dii dɛ́ ɛ ɡɛnewa, wejeremee dɛɛ lawɛ bambile.

Sɛɡla 15:18

Nɛn o baah aa dɛ di warane la dɛ ba naɡra ne, kɛ nɛn waa dɔ bambile te dɛ sɔɔh waa nyoa.

Sɛɡla 19:11

Wejeremee won bambile lawa, o dɛ dɔ jirima waa kpɔe dɛ́ kɛ ta.

Sɛɡla 16:32

Bambile dɔe wer ɡwaa banyoo tenten, he jemɛ he te lawa aa, a ɡwaa kɛŋɔ haa yoa lɛ bwɛbir.

Sɛɡla 25:28

Nɛn waa wola won bambile lawɛ la, o do kɛŋɔ bwɛjen baa ma danjwɛɛ baro o kuuɡi la ken.

Nɛra Kura 12:3

Dɛ Mosis ɛ nomɛl waa pwɛra kɛrɛdɛ, dɛ ɡwaa nomɛlbwa harɛ nɔ ta.

Matiu 11:29

Gɛ baa kpɔ daa dawɛ nae anɛ nɛ a pɛ dɛɛ ɛ toma la, hé ɡel n ne he pɛ ɛ ɡɛ, ásɛ he hweli le n be, dɛkalkɛ n pwɛre, maa mbarafo ɡe ɛ. He ɛ ɡɛ naa, haa koeh ba.

Wejereme 10:6

Gɛnaa ba yon kpɔ chɔ wejena nyoo, dɛ́ kpɔ suuɡa tena chɔ anjeɡre nyoo.

Sɛɡla 25:8

bɛ too dɛ́ kpɔ kaa kɔɔto, ɡɛ laa dɛ he dɔŋ kaa di danseɛ bɔe naa, hɛɛ di sihiih.

Sɛɡla 4:8

Duu wejema, ásɛ o ɛɛ nɛnjen, kpɔ he te pɛlo, ásɛ o tɛɛ jirima.

Matiu 2:16

Kooro la aa baa jemɛ kɛŋɔ wejerema la neɡro la, o bwaawee iro taeh. Dɛ o fa ta sie dɛ na kɛ ɡɛ saŋ wejerema la aa ŋɔa ba na wewee bɛl la, aa dɔ bene anɛɛ. Anomanta, o do nɛra ŋɔ bá ɡaaɡe dɛ́ kpoo bibaala ba taa ɛ bechasɔɔhne ka tel banɔ la baa di bene anɛ, dɛ do Bɛtlɛham ne o bwɛɛre aa baro cheme la bwa ta.

Sɛɡla 14:28

Nɛn nee baa di kora, nɛra toole naa, kora ɛ pɛɛpɛɛ.

Sɛɡla 17:27

Wejereme wobol lɔ tamaa ken, nɛn waa dɛ no waa mun la jemɛ o te lawa.

Wejereme 7:8

Komɛlbwa tona wer ɡwaa o mumpar, asɛ bambile lawa ɡe ɡwaa kɛ haa dɛ ɛ mbarafo.