Sɛɡla 14:21 - mzwDBL

²¹ Nɛn waa dɛ na nyaara sum la, o na som, kɛ a ɛ wechɔɡa kɛŋɔ he hah he dɔŋ, dɛɛ nyiŋi o nyubaah.

Sɛɡla 14:21 Referans Kwoze

Sɛɡla 28:27

Nɛn waa dɛ cha nyaara la, komɛlbwa aa on nya, kɛ nɛn waa laa sie dɛɛ kpɔ ba nɛɛ la, dɛ́ dɔ nyotaahna taeh!

Sɛɡla 19:17

Nɛn waa dɛ ɛ nyaa kɛrɛdɛ la, Korowiirii o kpɔ dɛɛ kemɛ, waa waa ɛa la, o dɛ tɛo a nachiɡe.

Sɛɡla 11:12

A ɛ ɡɛnewaa kɛŋɔ he muɡli he dɔŋ baah, kɛ he jemɛ waa tenaa, he dɛ lawɛ he nyoa.

Sɛɡla 17:5

He dɛ mamɛ nyaaraa, Korowii waa ta baa hɛɛ chɛɡɛ, ɡɛɛ a do dɛ he sie dɛ lɛ he dɔŋ wahala ta naa, hɛɛ ba deŋnetɛra kohona dɔe.

Sɛɡla 14:31

He dɛ do nyaara weweele aa, he dɛ chɛɡɛ Korowii waa ta ba, kɛ he dɛ ɛɛ ba kɛrɛdɛ naa, he dɛ tɛ Korowii jirima.

Hibru 6:12

Yaa nyin kɛ he bwara hwah heya. Ya dɛ nyin he kpɔ nɛra baa lawɛ bambile dɛɛ yarada Korowii, ásɛ o tɛɛ ba kwaa waa baɡ ba nyoa la.

We-ɛɛla 20:35

N cheɡɛ n we-ɛɛla ta dɛ baɡle heyaa kɛŋɔ a chɛ kɛ ya swɛɛ siwi ɛ toma ken, ásɛ dɛ won dɛɛ cha nɛra baa wola kpeɡe la. A chɛ kɛ yaa lii waa ya Dɔɔ Yeesu ɡbaɡba aa bola ŋɔ, ‘Nɛn waa dɛ kɛ nɛra kwaa la, o dɛ na som o bwara ɛɛ sɔɔhno, dɛ ɡwaa nɛn baa dɛ kɛo kwaa’ la.”

Daneɛl 4:27

Anomanta, n naa kooro, no waa maa dɛ jae a ta nɔ. Gel wechɔɡa ɛɛ, dɛɛ ɛ anɔ la aa toɡra, dɛ́ ɡel he nyubinikpeɡ la, dɛɛ na nɛra baa dɛ fiɡ ba sum. He wobɛlbwa ɛɛ do werii dɛɛ la.”

Sɛɡla 18:3

Nyubinikpeɡii dɛɛ ba nɛn bɛ bua ne, sihiih ɡe ɛɛ ba ncho dii ne.

Yela 112:9

Waa nɔn nyore, o dɛ tɛ nyaara tɛɛ tenten, o wedɛɛɡa ɛɛ ta jaɡa dɔe, wɛɛ di kpeɡrii dɛ dɔ jirima.

Yela 112:5

Nomɛlbwa waa ta tea dɛɛ kemɛ o bala suuɡa dɛɛ di kasinteŋ o toma ta la, o na som.

Yela 22:24

Korowii aa nyaara vɛh ba wenaale ta, waa habɔɔ berɛ dɛɛ kpo ba, ba wio noo waa, o dɛ cha ba.”

Amanesoma Luk Aa Chwera Tɔn 18:9

Yeesu sɛɡle nɛra baa dɛ lii ba te kɛŋɔ ba ɛ nɛndɛɛɡa ɡwaa nɛra bwa la ŋɔ,

Sɛɡla 21:10

Wechɔɡ-ɛɛ te bɛlbwa dɛ nyin wechɔɡa taeh, waa o dɔŋ nɛɛ sune.

Sɛɡla 28:8

Nɛn waa dɛ kemɛ nɛra suuɡa, dɛ lɛ a nee kohona dɛ dɔ kondɔɔh la, o lɛa dɛɛ tɛ nɛn waa dɛ na nyaara sum.

Mmarare 15:9

Dɛ benanyoa nɛn aa di he kem he ɡel a ta la dɛ tel, asɛ nomɛl ba dɛ ba kemɛ suuɡa he be naa, bɛ koh kɛŋɔ ɡɛ tɔpere la dɛ tel dɛ́ vɔmɔ. Bɛ ɡel ɡɛ liichɔɡa nɔ ba he nyu bini, ásɛ o bɛ ba wi no Korowii ta he nɛ, á ba ɛ wechɔɡa tɛɛ.

Sɛɡla 22:9

Nɛn waa dɔ tesom dɛɛ tɛ nyaara kondikwa la, Korowii ɡelɔ wɛɛ na som.