Sɛɡla 14:10 - mzwDBL

¹⁰ Nomɛlbwa toole dɛ jemɛ waa aa dɛ ha o dɔŋ, kɛɛ ɡɛ o silɛɛ aa doa.

Sɛɡla 14:10 Referans Kwoze

Felepae 4:7

Belaa ó ɡe tɛ heyaa o bambisɔn waa ɡwaa bambisɔn te bwa nɛwɛnyini be á cha heya, dɛ́ ɡel he bambile ne liire chɔ bobeŋkpoŋ pɛɛ he ne Yeesu Kristo aa pɛa la wa.

Sɛɡla 18:14

Liire haa dɔ he weela ta kɛŋɔ hɛɛ ɡbaŋroo la, dɛ ɛ ɡɛ, dɛ he ta ɡɛ liire dɔe yaa, dɛ hwɛɡa toole.

Sɛɡla 15:13

Nɛn sie lɛo waa, o dɛ mamɛ, o loo kuu tenaa, o bambile dɛ chɔɡ.

Job Tɔn 10:1

Job berɔ bol Korowii be ŋɔ, “N soɡa bini pe mɛ, mɛɛ bol waa maa wola ɔmɛ. No n tebinichɔɡ waa nɔ.

Wepila 2:17

Nomɛlbwa waa dɔ deŋna la, ó no waa Korowii Domadɛɛɡe aa dɛ bol asɔre tena be la. Naate waa won yo le la, mɛɛ tɛo kondikwaa ane soo siwi baa dɛ yera maana nomɛlbwa aa wola an nae bwaa ó di, dɛ́ tɛo bwedɛɛɡe ompoŋ bɛl maa chwerɛ sɔnfale bɛl dawɛ o ta, nomɛlbwa aa wola sɔn la jemɛ, nemenɛ naate maa kpɔ tɛo la ɡbo.”

1 Pita 1:8

He ta on nae ka, kɛ he dɛ nyinu. Taraken ɡba, haa on na, kɛ he dɛ yaradao. Anomanta, he sie dɛ lɛ kohona nɛn aa wola won baɡle a wa.

Amanesoma Jɔn Aa Chwera Tɔn 14:18

N baa kaa laa, maa heyaa ta kɛ bilalbii, mɛɛ berɔɔ ba he be.

Job Tɔn 7:11

Anomanta, maa nyoa tɔ, mɛɛ che n weweele taa, dɛ́ bol waa sum ne.

1 Samoɛl 1:10

Dɛ o bambile chɔɡɔ kɛrɛdɛ, o wi dɛɛ soŋe Korowii.

Amanesoma Jɔn Aa Chwera Tɔn 12:27

Anee Yeesu berɛ ŋɔ, “Taraken n liire ta bobeŋkpoŋ cheɡɛ. Ɛrɛɛ ń soŋe n Mɛɛ ŋɔɔ? Ń soŋo ŋɔ, ‘N Mɛɛ, lɛɛ mɛ le waa nɔ nyoa’ aa? Akai! A ta ɡɛ maɡrɛ, dɛkalkɛŋɔ ɡɛ waa nɔ waa n ba.”

Ɛsekeɛl 3:14

Korowii Doma la baa so n nɛɛ kpeɡri nɛ, dɛ kpɔ mɛ kaa, asɛ n sie beɡre n baah di n bambile bini.

Yela 25:14

Nɛra baa dɛ duu Korowii la, o kpɔ ba ɛ o daamanar, o ɡelɔ o ne ba fɔo baa fɔwa la che kiŋkiŋ.

Job Tɔn 9:18

Waa ɡel ń won hwee ɡba, dɛ́ kpɔ suna dii ta n nɛɛ kohona.

2 Koranar 4:27

Haah la aa kaa pu Korowii keame la bwe la ta la, o chole Korowii keame la sie, dɛ lawɛ o nakpale kpoŋe. Asɛ Gehasi ŋɔ o ka taɡɔ ta, anee Korowii keame la ŋɔ, “Gelo, o loo kuu kohona. Korowii kpɔ waa aa puu la sɔɔh mɛ.”

Amanesoma Jɔn Aa Chwera Tɔn 14:23

Asɛ Yeesu chaŋo ŋɔ, “Nomɛlbwa waa dɛ nyin mɛ la, wɛɛ dɛɛ teŋɛ n webaɡla la taa. N Mɛɛ ɛɛ nyinuu, n ne o bwa ba o be ya ne o so.

Mumpar 42:21

Dɛ ba dɛ bol dɔŋa be ŋɔ, “Taraken waa yaa dɛ na nɔ bwa le waa ya fa aa kpɔa ɛ ya nime Josef la. Ya na wenaale waa lɔ a ta dɛ soŋe yaa, kɛ ya ta noɛ. Anee ɡela ya ɡee na ɡɛ waa nɔ taraken la.”

Job Tɔn 21:25

Nomɛl ɡe dɛ́ sewɛ sum ne, o ta som bɛlbwa nae bwa.

1 Samoɛl 1:15

Belaa o chaŋe ŋɔ, “Nomoa, n ta dɛɛrɛ, maa sen nyɔ, n bambilee chɔɡa mɛɛ soŋe Korowii saŋ bɛlbwa, dɛ kpɔ n waa dɛɛ bil o sie.