Sɛɡla 13:3 - mzwDBL

³ He jemɛ he wobol nyiŋaa, he laa he te dɛɛ kpɔ waa ta, kɛ nɛra baa bol waa baa wola liire a ta do la, dɛ chɔɡ ba te.

Sɛɡla 13:3 Referans Kwoze

Sɛɡla 21:23

He jemɛ he nyoa lawa aa, haa waa dɔ.

Sɛɡla 18:21

Nyoa wobol dɛ ba seo ne mkpa ne. Anomanta, nyiŋi he nyoa wobol bini kɛrɛdɛ, dɛ bɛ waa dɔ.

Sɛɡla 18:7

Gɛne wobolee dɛɛ chɔɡo, o nyoa dɛɛ doo waa ta.

Yela 39:1

N lii n nyu bini ŋɔ, “Mɛɛ nyiŋi n ŋwɛnɛre ta kɛrɛdɛɛ, maa ɡel a che n nyoa wobol ta, n ɛ wechɔɡa. Nɛnchɔɡa bɛn mɛ naa, maa wobɛlbwaa bol.”

Sɛɡla 10:19

Wobobala te bɛlbwa dɛ koni, asɛ nɛn waa won o nyoa lawa la jemɛ wa.

Sɛɡla 20:19

Nɛn waa dɛ ɡaaɡe la dɛ taa nyokpɛl, anomanta, laa he te kpɔ nɛn waa dɛ bol waa kohona nɛ.

Jems 1:26

Dɛ nomɛl dɛ lii kɛ o ɛ Korowii torome, dɛ o ta nyotɔɡbom dɔe yaa, o dɛ neɡre o nyu. Naate Korowii toma la ɛ pɛɛpɛɛ.

Sɛɡla 12:13

Nɛnchɔɡe nyoa wobolee dɛɛ lawɔ, kɛ nɛn o wa aa toɡra te dɛ́ le wahala ta.

Yela 34:13

wɛ́ɛ nyiŋi o nyoa kɛrɛdɛ. O bɛ wobochɔɡa dɛɛ bol, o bɛ nyosone dɛɛ teŋe.

Yela 141:3

N Naa Korowii, cha mɛ, mɛɛ nyiŋi wobol aa dɛ le n nyoaa.

Sɛɡla 10:14

Wejereme dɛ hweli wa, dɛ kpɔ dɛɛ do o nyu bini, kɛ nɛn waa ɡɛna wobol te, dɛ ba waa ne.

Sɛɡla 13:4

Bɔhwaah bɛlbwa aa o konnyini dɔ, kɛ nɛn waa dɛ nyin toma te, o dɛ dɔ kon waa dɛ nyin.

Sitɔɔla 16:11

Samsen ŋɔ o be ŋɔ, “Dɛ ba vɔɡ mɛ kɛrɛdɛ ŋwɛnfala baa wola a ne wobɛlbwa ɛɛ mɔɔ ne naa, mɛɛ ɡwɛɡroo dɛ́ do kɛ baa bɛlbwa aa doa.”

Sitɔɔla 16:17

Anomanta, Samsen bol o tea bini waa bwa chaɡlo ŋɔ, “Ba ta fon kpɔe fonɛ n nyu bwa. Nasiri tee men. Korowii lee mɛ cheɡ tɛ o te, dɛ le n lola saŋ bwa. Ba fonɛ n nyu aa, n bokpeɡa maa dɔa nɔ bwa dɛ ba tona n ɡwɛɡre kɛ baa bɛlbwa ken.”

Sɛɡla 10:8

Wejereme dɛ́ no jae, kɛ nɛn waa dɛ bol ɡɛnewaa te waa dɛ ɛ pɛɛpɛɛ.

Sɛɡla 14:3

Gɛne mbarafo wobol taa a che wɛɛ dɔ deŋnetɛra, asɛ wejereme wobol ɡe ɛɛ leo waa ta.