Sɛɡla 13:2 - mzwDBL

² He dɔ wobodɛɛɡa aa, he na som, kɛ nɛn waa wola kasinteŋ bol te, dɛ na wa.

Sɛɡla 13:2 Referans Kwoze

Sɛɡla 12:14

Nɛn kembɔr lɔ anɔ la waa bol ne o we-ɛɛle ta. Anee ɡela wɛɛ dɔ kwaa aa chɛo.

Sɛɡla 18:20

He bol wedɛɛɡaa, he dɛ vaɡɛ kɛŋɔ haa di kondikondɛɛɡa ken, wobol aa wera ɡelɔ he baah ɛɛ sɔɔhne.

Sɛɡla 10:11

Nɛn o wa aa toɡra wobol dɛ́ ba mkpa ne, kɛ nɛnchɔɡe te mur, waa yoi waa bol á le baŋ.

Sɛɡla 1:31

Anomanta, hɛɛ dɔ ɡɛ haa dɛ nyinii, ásɛ he ɡbaɡba we-ɛɛla ɡure he nyu ta.

Yela 140:11

Bɛ ɡel nɛra baa teŋe nyosone dɛɛ dawɛ nɛra nɛɛ waa maɡre tɛɛ ba. Gel waa pu naɡrenyine, dɛ́ chɔɡ ba.

Sɛɡla 4:17

Nyubinikpeɡ ne yoi we-ɛɛlaa ɛ ba kondikwaa ne sen.

Wepila 16:6

dɛkalkɛŋɔ ba fa ɡelɔ he nɛra ne he keamere chal fuɡe. Anomanta, he tɛɛ ba chal ba nyɔ. Gɛɛ ba chɛ.”

Habakuk 2:17

Gɛ haa teŋe Lɛbanɔn harɛ ta daa la, ɡɛɛ Korowii ɛɛ ba he ɡe chɔɡa. Gɛ haa kpo kpɔɡ bini ola la, ɡɛɛ hɛɛ ba a waa nae. He kpoo nɛra dɛ fuɡe ba chal ta harɛ la ta, he chɔɡ harɛre ne bwɛjena ne a nɛra bwa.

Habakuk 2:8

He pa harɛre nɛra kondɔɔh bwa, ɡɛɛ nɛra baa kaa la ɡe ɛɛ ba hé kondɔɔh pae. Nɛra haa kpoora dɛ fuɡe ba chale ta kohona, ne chɔɡa haa chɔɡ harɛre ne bwɛɛre ne nɛra baa soɡe a ta la nomanta, ɡɛɛ baa ba he ɡe ɛɛ.

Yela 75:8

Korowii kpoŋe numol, o bandia aa do kɛŋɔ danana nee suu. O fuɡa kɛŋɔ seŋkpeɡa tɛ nyubinikpeɡ tena bwa ba nyɔ, ba nyɔ a bwa a tonɛ kwaraa.

Sɛɡla 1:18

Nɛn waa do ɡɛ la dɛ harɛ o te bel, o dɛ nyin o ɡbaɡba seo!

Sɛɡla 18:21

Nyoa wobol dɛ ba seo ne mkpa ne. Anomanta, nyiŋi he nyoa wobol bini kɛrɛdɛ, dɛ bɛ waa dɔ.

Hosia 10:13

Kɛ a ɛo kɛŋɔ haa du wechɔɡa dɛ komɛ wechɔɡa. He di he nyosone la nɔna. Haa kpɔ he te dawɛ he bokpeɡa ta, ne he laa tena baa wara dɛ jemɛ yoi nɛɛ nomanta,

Sɛɡla 11:23

Nɛn o wa aa toɡra konnyini ɛ wedɛɛɡa, kɛ kon wechɔɡ-ɛɛ aa dɛ hwɛɡɛ o waa la, o dɛ ba bandia ne.