Sɛɡla 12:28 - mzwDBL

²⁸ Waa aa toɡra ŋwɛnɛ chɔɔ kaa mkpa ta, wechɔɡa ŋwɛnɛ te, seo taa o kaa.

Sɛɡla 12:28 Referans Kwoze

3 Jɔn 1:11

N dandɛɛɡe, bɛ nɛra baa dɛ ɛ wechɔɡa la nɛɛ teŋɛ. Kɛ dɛɛ teŋɛ nɛra baa dɛ ɛ wedɛɛɡa la nɛ. Banɔ la baa dɛ ɛ wedɛɛɡa la ɛ Korowii bilola. Nomɛlbwa ɡe waa dɛ ɛ wechɔɡa la aa Korowii jemɛ.

Tɔn Pɔɔl Aa Chwerɛ Rom Tena 5:21

Gɛ wechɔɡa aa cheɡɛ seo nɛɛ dɛɛ di kpeɡri la, ɡɛɛ Korowii suna waa dɛ sune nɛwɛnyina nɛɛ la ɡe che ɡɛ Korowii aa ɛ yaa nɛndɛɛɡa ya waa su o siwi la ta dɛɛ di kpeɡri, asɛ ya won dɔ Korowii mkpa aa wola jaɡa dɔe bwa la, dɛkalkɛŋɔ ya Dɔɔ Yeesu Kristo ɡelɔ nɛra ɛ nɛndɛɛɡa ba waa su Korowii siwi.

Sɛɡla 11:19

Nɛn o siwi aa swɛɛra kɛŋɔ o waa toɡre kɛrɛdɛ la, dɛ́ dɔ o nyu, kɛ nɛn waa teŋa dɛɛ ɛ wechɔɡa la te dɛ́ sewɛ.

1 Jɔn 3:7

N bidɛɛɡa, he bɛ ɡel nomɛlbwa neɡre heya. Nomɛlbwa waa dɛ ɛ wedɛɛɡa aa su Korowii siwi la ɛ nɛndɛɛɡe ɡɛ Yeesu Kristo aa ɛ nɛndɛɛɡe la.

1 Jɔn 2:29

He nao kɛŋɔ Korowii waa toɡrɔ, anomanta, nomɛlbwa waa dɛ ɛ wedɛɛɡa aa su Korowii siwi la ɛ Korowii bie.

Ɛsekeɛl 18:9

Nɛn waa do ɡɛ nɔɔ dɛɛ teŋɛ me Mmarare ta kɛrɛdɛ. O waa toɡrɔ, wɛɛ dɔ o nyuu kɛrɛdɛ. Men Nemenɛ Korowiirii bola.

Sɛɡla 10:16

Nɛn o wa aa toɡra kembɔree mkpa, asɛ wechɔɡ-ɛɛ we-ɛɛla ɛɛ ba wechɔɡa ɡbo ne.

Sɛɡla 8:35

Nomɛlbwa waa na mɛ la dɔ mkpa, Korowii tea ɛɛ too o nɛɛ.

Mmarare 30:15

Fini tɔpere nɔ, n kpɔ wedɛɛɡa ne wechɔɡa, mkpa ne seo dɛɛ bil he sie, onɔ la bwa haa kpɔ.

Sɛɡla 9:11

Menee Wejema, he teŋɛ n nɛ aa, hɛɛ dɔ mkpajaŋee.

Mmarare 32:46

o ŋɔ ba be ŋɔ, “Hé nyiŋi kɛrɛdɛ kɛŋɔ hɛɛ teŋɛ ɡɛ waa maa dɛ do heyaa a ta fini nɔ taa. Hé kpɔ do he bii ásɛ ba ɡee teŋɛ Korowii webaɡla la ta kɛrɛdɛ.

Jeremia 21:8

Ate, Korowii berɛ ŋɔ men Jeremia be ŋɔ ń bol nɛra la be ŋɔ, “Hé no. Webele anɛ nɔɔ n kpɔ dɛɛ tɛ heya, ŋwɛnɛ haa che o ta dɔ mkpa, ne ŋwɛnɛ haa che o ta dɔ seo.

Mmarare 30:19

Nyundua ne harɛ ɛ danseɛ fini kɛŋɔ n tɛ heyaa mkpa ne seo, dɛ som Korowii aa dɛ tɛ ne taahna. Kɛ hé kpɔ a bini bɛl. Hé kpɔ mkpa.

Sɛɡla 10:2

Wechɔɡa ŋwɛnɛ kpɔe dɛ́ dɔ kondɔɔh ta tɔnɔ bɛlbwa dɔe, kɛ dɛ he waa toɡraa, a dɛ lee seo ta.