Sɛɡla 12:17 - mzwDBL

¹⁷ Nɛn waa dɛ di kasinteŋ laanee dɛɛ di danseɛ aa toɡra, nyosonteŋnii dɛɛ di dansewea.

Sɛɡla 12:17 Referans Kwoze

Sɛɡla 14:25

Kasinteŋ danseɛ dii dɛ́ lɛ nɛn nyu, dansewea tee dɛɛ le nɛn habɔɔ.

Sɛɡla 14:5

Nɛn waa dɔ kasinteŋ la aa nyosone teŋe, nɛn waa dɛ di dansewea la, nyosone ɡboo o bwa.

Sɛɡla 24:28

Bɛ waa haa wola he dɔŋ nɛɛ nae la danseɛ di, bɛ nyosone teŋe.

Sɛɡla 6:19

ne dansewea dɛ nɛn wobochɔɡa aa lɔ o nyoa, dɛɛ ba peɡra ne o dem tena baah ta.

Matiu 15:19

Liichɔɡa ne nɛŋkpoa, ne jwamane ne ŋwɛɛ wa, ne nyosone teŋa ne nɛra ŋwala, dɛ anɔ aa jaa bwa, bambile binii a le.

Sɛɡla 21:28

Dansewea te dɛ sewɛ, asɛ nomɛlbwa waa dɛ no o be la ɡe sewɛ.

Sɛɡla 19:28

Dansewea tee kpɔ o dɔŋ kasinteŋ waa dɛɛ hɛlɛ, ɡɛɛ wechɔɡa ɛɛ do wechɔɡ-ɛɛ som kɛ kondikwa.

Sɛɡla 19:5

He di dansewea aa, he dɛ dɔ deŋnetɛra, ɡɛɛ nyosonteŋni ɡe aa wola o bwara kpɔe kaa di.

1 Pita 3:16

He dɛ baɡla aa, hé kpɔ sisɔna ne taa dɛɛ baɡla. A chɛ kɛ he tea to he jemɛ kɛŋɔ nomɛlbwa aa he wobɛlbwaa dɔ dɛ bol. He dɛ ɛ ɡɛ naa, nɛra baa koh he teŋa haa dɛ teŋɛ Yeesu Kristo nɛ, ne he wedɛɛɡa haa dɛ ɛ waa dɛ bol wobochɔɡa dɛɛ yaɡɛ heyaa la, sihiih ɛɛ kpo baa.

We-ɛɛla 6:13

Ba ɡelɔ nɛra bane ɡe ba teŋe nyosone, dɛ bol waa baa wola nae bwa dawɛ Steeven nɛɛ ŋɔ, “Tɔpere bɛlbwaa baa nɔ bol waa dɛɛ yaɡɛ ya Korowii Dea nɔ ne Mosis Mmara la.

Matiu 26:59

Sɔfonomonome ne Juu tena nomonome baa dɛ bol waa dɛɛ pa bole la bwa nyoa pɛo baa nyin waa dɛ́ kpɔ dawɛ Yeesu nɛɛ dɛ́ won che a ta kpoo.

Sɛɡla 12:16

Gɛne bandiaa baa na warane, kɛ nɛn waa dɔ nfɛrɛ laa liire dɛɛ kpɔ chɛɡa ta.

Sɛɡla 12:18

Nɛra baa dɛ bol waa baa wola liire a ta do la, ba wobol dɛ we kɛŋɔ nii ken, wejereme wobol dɛ larawe bwara.

Sekaria 8:16

Waa aa chɛ kɛ he ɛ laanee nɔ, hé bol kasinteŋ dɛɛ tɛ dɔŋa, dɛ nomɛl ne o dɔŋ dɔ waa kɔɔto aa, hé bol a kasinteŋ a ba deŋnesɔɔhna ne,