Menee ɡrepo daa la, asɛ he ɡee o kpala. Dɛ he bɛlbwa choŋi n nɛɛ kɛrɛdɛ asɛ n ɡe lawɔ pɛl n te naa, anee ó won nɔnɛ kɛrɛdɛ. Dɛ he ta n nɛɛ cheɡɛ te naa, haa won ɛ wobɛlbwa.
Kɛ taraken nɔ, Korowii le heyaa wechɔɡa ta. On dɔ heya. He tɔnɔ haa dɔa laanee kɛŋɔ he soɡa bini aa toɡra Korowii be. A taa aa ba cheɡa ásɛ he dɔ mkpa aa wola jaɡa dɔe.
He laa lee mɛ, menee le heya. Gɛ kpaldɛɛɡe aa dɛ nɔnɛ la, ɡɛɛ mɛɛ nyin kɛ he do, dɛɛ ɛ n Mɛɛ tetoowa, dɛ bɛ an ɡel bwa. Dɛ he dɛ ɛ ɡɛ naa, komɛlbwa haa soŋe n sɔn ta la, wɛɛ tɛ heyaa.
Ba doŋi nɛra baa dɛ duu Korowii bwa le harɛ la ta, nomɛlbwa ta kae o waa toɡre kpa. Nɛra bwa chɔɔ dɛɛ kpa kɛŋɔ bá kpoo nɛra, bɛlbwa dɛ harɛ o dɔŋ bel dɛ́ dɔɔ lawɛ.