Sɛɡla 12:10 - mzwDBL

¹⁰ Nɛn o wa aa toɡra dɛ nyiŋi o kondɛɛra nɛɛ kɛrɛdɛ. Nɛnchɔɡaa dɛɛ ɛ nyubinikpeɡ ba kwaa nɛ.

Sɛɡla 12:10 Referans Kwoze

Mmarare 25:4

He bɛ nabal waa dɛ ɛ toma he koo ta la nyoa vɔwɛ, dɛ́ ŋɔ o bɛ kwaa di.

1 Jɔn 3:17

Dɛ nomɛl dɔ harɛ nɔ ta kwaa bwa, dɛ na o dɔŋ waa nyaa, dɛ laa sie kpɔ o nɛ aa, amɔ dɛ o dɛ nyin Korowii aa?

Amanesoma Jɔn Aa Chwera Tɔn 4:11

Belaa haah la ŋɔ, “Nomoa, bule nɔ aa luŋa, asɛ haa wola kon baa kpɔa dɛɛ ta kɔlɔŋ dɔe nɔ, lee hɛɛ ba a ɡɛ nee aa dɛ tɛ mkpa nɔ dɔe yɔ?

Sitɔɔla 1:7

Belaa kooro la ŋɔ, “N fa teŋni koranar fifraanuanɛ nanibala ne nonibala, ba tɔɔ kondikompuɡrere dɛɛ di n tiɡ ta. Korowiirii ɡela waa maa ɛɛ ba la ɡure n nyu ta la.” Ba kpɔɔ kaa bwɛjen Jerusalam o ka sewɛ.

1 Samoɛl 11:2

Anee Kooro Nahas chaŋe ŋɔ, “N ne hɛɛ fɔwɛ fɔwee yaa, webeŋkpoŋ taa aa ba cheɡa. Atane n fome he bini bɛlbwa diɡ siwi, ásɛ a ɛ sihihwa tɛ Israel tena bwa.”

1 Kɔrent 9:9

Mosis chwerɔ ŋɔ, “He bɛ nabal waa dɛ ɛ toma he koo ta la nyoa vɔwɛ dɛ́ ŋɔ o bɛ kwaa di.” Korowii ŋɔ ken aa, kondɛɛra ɡboo o ŋɔ aa?

Sɛɡla 12:9

Dansaa waa dɔ bonɔɔ la, bɔ nɛn waa dɛ lii o te nɛnjen dɛ berɛ dɛɛ chɔ lɔr.

Aesaya 36:17

dɛ ka tel kɛŋɔ maa kpɔ heyaa kaa bojaŋ harɛ waa do kɛŋɔ he kon nɔ ta. Harɛ daa kooni aa lole he dɔ sen le a ta, ne mea baa kpɔ ɛ paanoo, ne ɡrepo daa kooni.