Sɛɡla 10:7 - mzwDBL

⁷ Nɛn o wa aa toɡra na som, baa o waa soh, kɛ nɛnchɔɡe te waa won soeh warane.

Sɛɡla 10:7 Referans Kwoze

Yela 112:6

Nɛndɛɛɡe wobɛlbwa dɛ do wer dɛɛ tɛo. Nɛra ɛɛ dɛɛ lii o waa saŋ bɛlbwa.

Amanesoma Luk Aa Chwera Tɔn 1:48

O nyiŋi n ɡe maɡa nɔ dɔŋ maa ɛ nɛŋɡwɛɡre nɔ nɛ, dɛ ɡel nomɛlbwa ɛɛ ba taraken lee dɛɛ bol n waa ŋɔ n na som,

Amanesoma Mak Aa Chwera Tɔn 14:9

Kasinteŋ, bobɛlbwa baa bol Amanesoma nɔ harɛ ta bobɛlbwa la, baa bol waa waa ɛa nɔ waa dɛ́ kpɔ liiru.”

Yela 109:13

Gel o naanar bwa serewe, dɛ́ ɡel o sɔn nyoɡre naanar baa ka ba bwa bini.

2 Webena 24:16

Ba huɡo koranar huɡribɔr Jerusalam waa ɛ Kooro Devid Bwɛjen ta, o wedɛɛɡa waa ɛa Israel harɛ tɛ Korowii ne Korowii Dea toma la wa.

Yela 109:15

N Naa Korowiirii dɛ́ lii ba wechɔɡa saŋ bɛlbwa, dɛ́ ɡel nomɛlbwa bɛ ba waa lii harɛ nɔ ta kpa.

Job Tɔn 18:17

Nomɛlbwa aa ba waa lii harɛ nɔ ta ba sɔna he kwaraa.

2 Koranar 19:34

Mɛɛ tɔ bwɛɛ nɔ ɡbemɡbee dɛ́ lɛo, n jirima ne nyoa maa baɡɛ n bonɔɔ Devid nomanta.’ ”

1 Koranar 11:36

Mɛɛ kpɔ dea beŋkpoŋ nɛraa do o nɔn ta, ɡɛ aa ɛ ásɛ n dɔ n bonɔɔ Devid naa saŋ bɛlbwa wɛɛ di kora Jerusalam, bwɛjen maa lea cheɡ ŋɔ baa tom mɛ la ta.

Wejereme 8:10

N berɔ na nyubinikpeɡ tena baa huɡ ba, kɛ nɛra le huɡribɔr bela ba naa, ba yon berɛ dɛɛ kpɛɛ ba bwɛjen la bini baa soɡa dɛ ɛ wechɔɡa la. Anɔ bwa ɡe ɛ wepuu.

Job Tɔn 27:23

Peu lɔ kpaŋa ta ba nɛɛ kɛ nɛn, ba wechɔɡa wa, o nyoa ɛɛ si dɛ taɡ ba le ba deremi.”

Jeremia 17:13

N Naa Korowii, he nɛɛ Israel tena sie dawɛ, sihiih ɛɛ kpo nɛra baa berɛ habɔɔ kpoe bwaa. Nɛra baa chwaa le he be bwa sɔna ɛɛ nyoɡroo kɛŋɔ nɛra baa serewa ken. Dɛkalkɛ ba vɛh hen haa do kɛ nee waa dɛ bule saŋ bɛlbwa dɛɛ tɛ Israel tena.

2 Webena 32:33

Kooro Hɛsɛkea sewɔ ka pu o naawa, asɛ ba huɡo deŋɡare bɛl ta, bela baa dɛ huɡe Kooro Devid naanar. Juda ne Jerusalam tena bwa kpɔ duure tɛo o serewe wee. Asɛ o bibaa Manasɛ ba chiɡ o naa ta, dɛ di kora.

Job Tɔn 24:20

Ba nyare baa lol ba ɡba soh ba wa, dudule di ba ola. Ba dɛ soh nyubinikpeɡ tena la waa kwaraa, ba dɛ do kɛŋɔ daa waa kuuɡa ken.

Yela 34:16

Kɛ wechɔɡ-ɛɛra te, o kii ba, ba sewaa, baa ba waa lii kpa.

Sɛɡla 22:1

Sɔndɛɛɡee chɛ nyina ɡwaa kondɔɔh tenten, ɡɛɛ duure do wer ɡwaa suuɡapoŋ kɛɛ suuɡaswɛm.

Aesaya 14:22

Koranar Bwa Kooro ŋɔ, “Mɛɛ ka che bwɛjen Babelɔn ne o nɛra nɛɛ dɛ́ kpoo ba maa komɛlbwaa ɡel, bechale ɡba aa ka, o sɔn he. Men Korowiirii ŋɔa.

Yela 34:17

Nɛra ba wa aa toɡra wio no Korowii aa, o dɛ no, dɛ lɛɛ ba dɛɛ le ba wahala bwa ta.

Yela 41:5

N dɔma dɛ bol n bwara wechɔɡe ŋɔ, “Bɛweeree ó sewɛ ásɛ o sɔn he te nɔ?”