Sɛɡla 10:6 - mzwDBL

⁶ Nomɛlbwa swee andɛɛɡa dɛɛ tɛ nɛn o wa aa toɡra, kɛ nɛnchɔɡe te mur, waa yoi waa bol á le baŋ.

Sɛɡla 10:6 Referans Kwoze

Mmarare 28:2

Anomanta, hé duu Korowii haa dɛ tomɔ nɔ, ásɛ a ɡɛ wedɛɛɡa nɔ bwa ɛ he kwa.

Sɛɡla 28:20

Nɛn waa dɛ bol kasinteŋ la, o dɛ na som taeh, kɛ nɛn o siwi aa swɛɛra kɛ o dɔ kwaa warane la ne wahalaa.

Sɛɡla 24:25

He tɛr bolchɔɡe te deŋne aa, wobɛlbwa ɛɛ do werii tɛɛ, he dɔ sɔndɛɛɡe.

Sɛɡla 10:11

Nɛn o wa aa toɡra wobol dɛ́ ba mkpa ne, kɛ nɛnchɔɡe te mur, waa yoi waa bol á le baŋ.

Job Tɔn 29:13

Nɛra baa cheɡɛ seo nyoa soŋe andɛɛɡa tɛ mɛ, n ɡel luhaahna baah sɔɔh ba.

Tɔn Pɔɔl Aa Chwerɛ Rom Tena 3:19

Ya jemɔ kɛŋɔ waa Mmara la aa dɛ baɡle la, nɛra baa dɛ teŋɛ Mmara la ta laanee Mmara la ɛɛ baɡle, ásɛ nomɛlbwa bɛ won dɔ wobɛlbwa bol Korowii sie, ásɛ o won bol nomɛlbwa waa dɛ́ pa bole.

Sɛɡla 11:26

Nɛn waa tɔ mea cheɡ, dɛɛ kpa suuɡajena la, nɛra dɛ taahno, kɛ onɔ la waa le o kwaa ne dɛɛ yoɡa la, ba swee andɛɛɡa dɛɛ tɛo.

Yela 107:42

Nɛra ba wa aa toɡra nao ba sie lɛ, kɛ nyubinikpeɡ tena te, ba helɔ.

Ɛsta 7:8

Kooro aa bera dɛɛ jo koodem la, dɛ Heeman marɛ o haah karajaŋ waa yale o ta la ta, dɛɛ soŋo sibeɡra ne, anee kooro nyɛɡ ŋɔ, “Ei! Baa nɔ dɛ nyin kɛ ó paɡɛ n haah n siwi ta koodem bonɔ kwara!” Kooro nyoa ne chiɡa dɛ o bonɔɔna baa fɔɡɛ ba lure la kpɔ yal bɔle Heeman sie.

Sɛɡla 10:5

Wejereme dɛ́ komɛ o koo kwaa a koma saŋ, kɛ nɛn waa dɛ́ chɔ kwaa koma saŋ te dɛ́ di sihiih.

Obadia 1:10

Edom tena, haa cheɡɛ ŋwɛnɛchɔɡe ta kpoo he lolanar baa ɛ Jekɔb naanar nomanta, chɔɡaa hɛɛ ba chɔɡa, dɛ́ di ncho saŋ bɛlbwa dɛɛ la.

Sɛɡla 3:33

Korowii nyotaahna lɔ wechɔɡ-ɛɛ dem, kɛ nɛn o wa aa toɡra dem te, o swee andɛɛɡa dɛɛ tɛo.

Aesaya 3:10

Gel nɛra ba wa aa toɡra no kɛŋɔ aa do werii tɛɛ ba. Baa di ba we-ɛɛla tɔnɔɔ.