Sɛɡla 10:4 - mzwDBL

⁴ He dɛ ɛ bɔhwaah aa, nyae hɛɛ nya, kɛ dɛ he dɛ ɛ toma tenaa, kwaa hɛɛ dɔ.

Sɛɡla 10:4 Referans Kwoze

Sɛɡla 21:5

Nɛn waa dɛ maɡle waa kɛrɛdɛ la dɛ́ dɔ kwaa taeh, kɛ he too waa ta naa, nyae hɛɛ nya.

Sɛɡla 20:4

Paa waa dɛ ɛ bɔhwaah kwaa para saŋ la, ɡɛɛ waa wola kondikwaa dɔ a koma saŋ ɡe.

Sɛɡla 19:15

Bɔhwaahree dɛɛ chɔ dom kohona, ɡɛɛ nɛn waa wola waane ɛɛ nyin la ɡe ɛɛ chɔ lɔr.

Sɛɡla 13:4

Bɔhwaah bɛlbwa aa o konnyini dɔ, kɛ nɛn waa dɛ nyin toma te, o dɛ dɔ kon waa dɛ nyin.

1 Kɔrent 15:58

Anomanta, yabala maa dɛ nyin he wa, hé lawɛ waa la bini kiŋkiŋ, dɛ bɛ ɡel wobɛlbwa ha heyaa ásɛ he berɛ habɔɔ. Hé lawɛ ya Dɔɔ toma bini bambile bwa ne, dɛkalkɛŋɔ he koeh aa pɛɛ ɛɛ ba.

Sɛɡla 20:13

Dom dɛ do he som kohona naa, nyae hɛɛ nya, he iro dɛɛ ɛ toma aa, kondikwaa dɛɛ bu he nɛ.

Sɛɡla 19:24

Nɛra bane bɔhwaah ɡwaa ba nɛɛ kɛ, bá won kpɔ kondikwaa kwaraa la nyoa.

Sɛɡla 12:24

Nɛn waa dɛ ɛ toma kohonaa dɛɛ dɔ nomonome, bɔhwaahree dɛɛ do nɛn lɔɡa, baa doo tomkpeɡa ta.

Sɛɡla 11:24

Nomɛl nɔn dɛ pili kɛ dɛ ta ɛɛ dɔ, asɛ bɛl ɡe nɔn aa pili kɛ dɛ ɡe nya.

Amanesoma Jɔn Aa Chwera Tɔn 6:27

He bɛ kondikwaa aa won chɔɡa nɔ ta dɛɛ koh. Hɛ́ɛ koh kondikwaa aa wola chɔɡ dɛɛ tɛ mkpa aa wola jaɡa dɔe la ta. Gɛ kondikwaa nɔɔ Men Nɛn Bie la ɛɛ ba heyaa tɛɛ, dɛkalkɛ menee Korowii tɛ kpeɡri kɛŋɔ kooro aa tomɛ o bie faahna ne la.”

Wejereme 10:18

Dɛ nomɛl ɛ bɔhwaah dɛ vɛh o dea kwaara aa, wɛɛ luloo, ásɛ o nyundua la ku le o bini.

Sɛɡla 10:5

Wejereme dɛ́ komɛ o koo kwaa a koma saŋ, kɛ nɛn waa dɛ́ chɔ kwaa koma saŋ te dɛ́ di sihiih.

Sɛɡla 12:27

Nɛn waa ɛ bɔhwaah la, waa o tetoo kwaa dɔ, kɛ nɛn o sie aa wola on hwah la o dɛ dɔ kwa.

Sɛɡla 18:9

Bɔhwaah aa toma ɛɛ nyin, o dɔŋee nɛn waa dɛ chɔɡ kwa.

Mumpar 26:32

Awola tɔpere la, Aesek bonɔɔna balɔ dɛ ba bol kɔlɔŋ baa kwiu la waa o be ŋɔ, “Ya pu ne.”